لندن ۔ 3 جولائی (اے پی پی)12 ویں آئی سی سی ورلڈ کپ کرکٹ ٹورنامنٹ اچ پاکستان اپنڑا چھیکڑی لیگ میچ (سبھائیں)جمعہ کوں بنگلہ دیش نال کھیڈسی۔اے میچ ڈینہہ ڈھائی وجے لندن اچ کھیڈسی۔اے میچ جیتنڑ پاکستان کیتے لازمی اے تاں جو او سیمی فائنل دی دروک اچ موجود رہ سگے۔پاکستان دی بنگلہ دیش توں جیت قومی ٹیم کوں سیمی فائنل اچ پچا سگدی اے جیندے بعد انگلینڈ اتے نیوزی لینڈ دے میچ دا نتیجہ پاکستان کیتے اہم ہوسی کیوں جو قومی ٹیم اٹھ میچز کھیڈ تے پوائنٹس ٹیبل تے 9 پوائنٹس نال پنجویں نمبر تے اے۔
