اسلام آباد ۔ 26 ستمبر (اے پی پی)وزیراعظم عمران خان نال انڈونیشیا دے نائب صدر محمد یوسف کیلے ملاقات کیتی۔ ایہ ملاقات اقوام متحدہ جنرل اسمبلی دے 74 ویں اجلاس دے موقع تے تھئی۔ وزیراعظم عمران خان گزریل سال انڈونیشیا دے صدر دے دورہ پاکستان دا حوالہ ڈیندے ہوئیں ڈوہائیں ملکاں وچال یاری اتے تریخی تعلقات تے اطمینان ظاہر کیتا۔ وزیراعظم عمران خان آکھیا جو پاکستان امن و سلامتی دے خطرات توں بچنڑ سانگے کشمیریاں دی حالت زار تے انڈونیشیا دی حمایت اتے مفاہمت کوں قدر نال ڈیکھدے۔یاد رہوے جو انڈونیشیاءاقوام متحدہ دی سلامتی کونسل دا غیر مستقل رکن ہے۔
