اسلام آباد ۔ 15 ستمبر (اے پی پی) وزیراعظم عمران خان دی زیرصدارت وفاقی کابینہ دا اجلاس تھئے جیندے اچ ارکان پارلیمنٹ دے حلف سانگے الیکٹورل ایکٹ اچ ترامیم، مشکوک پائلٹاں دی لائسنس منسوخی ،مختلف بیماریاں دی دوادا ملھ سودھا کئی تقرریاں دی منظوری ڈتی گئی۔ اجلاس سینیٹ، قومی اتے صوبائی اسمبلیاں دے اراکین دے حلف کیتے 60 توں 90ڈینھ دی مدت رکھنڑ کیتے الیکٹورل ایکٹ اچ ترامیم، مشکوک لائسنساں آلے بئے 22 پائلٹس دی لائسنس منسوخی ،اینٹی ملیریئل ڈرگ، حفاظتی لباس برآمد کرنڑ، انفلوئنزا، کینسر سودھا بیاں زندگی بچاونڑ آلیاں مختلف 250 ادویات دی ریٹیل پرائسنگ اتے مختلف تقرریاں دی منظوری ڈتی گئی اے اتے گرین ایریاز بحال کرنڑ دی ہدایت کیتی اے جڈاں جو وزیر اعظم بارشاں اتے سیلاب نال متاثرہ مستحق خانداناں کوں احساس پروگرام دے تحت امداد ڈیونڑ دی وی ہدایت کیتی اے ۔کابینہ انفارمیشن اینڈ کمیونیکیشن ٹیکنالوجی دے شعبہ اچ وزارتِ انفارمیشن ٹیکنالوجی اینڈ کمیونیکیشن اتے چین دی منسٹری آف انڈسٹری اینڈ انفارمیشن ٹیکنالوجی وچال ایم او یو دی منظوری ڈتی۔
