وڈے خواب ڈیکھنڑ آلا ہی وڈے کم کریندے، راوی ریور فرنٹ اربن ڈویلپمنٹ پراجیکٹ نال نیا پاکستان دا تصورڈسدا پئے،وزیراعظم عمران خان دا راوی ریور فرنٹ اربن ڈویلپمنٹ پراجیکٹ دا منڈھ بدھنڑ دی تقریب نال خطاب

APP61-15 LAHORE: September 15 - Prime Minister Imran Khan addressing during the ground breaking ceremony of Ravi Riverfront Development Project. APP Photo by Rana Imran

شیخوپورہ ۔ 15 ستمبر (اے پی پی) وزیراعظم عمران خان آکھیے جو وڈے خواب ڈیکھنڑ آلا ہی وڈے کم کریندے، راوی ریور فرنٹ اربن ڈویلپمنٹ پراجیکٹ نال نیا پاکستان دا تصورڈسدا پئے،ماضی دے حکمران ملک کوں قرضاں دی ریبڑی اچ سٹ تے لگے گین،قرض لہاونڑ کیتے سخت فیصلیاں پاروں بہوں اوکھ ڈیکھنڑا پئے۔اے گالھ انہاں راوی ریور فرنٹ اربن ڈویلپمنٹ پراجیکٹ دا منڈھ بدھنڑ دی تقریب نال خطاب اچ آکھی۔ وزیراعظم آکھیے جو میکوں ایں منصوبہ اچ نویں پاکستان دا تصورڈسدا پئے،وزیراعلیٰ پنجاب منصوبہ تیکھے مکمل کرنڑ کیتے ہک ٹیم بنڑاونن، نواں شہر وساونڑ کیتے بہوں محنت کرنڑی ہوسی،پیونڑ دے صاف پانڑی اتے سیوریج سانگے اقدامات کیتے ونجن،ایں شہر کوں گرین سٹی بنڑیسوں،اساں روٹی کپڑا مکان دے نعرے کوں عملی شکل دے تے ڈکھائی اے جیندی مثال غریباں، یتیماں اتے بے سہارالوکاں دی کفالت، صحت کارڈ ،اتے ہیلتھ انشورنس سودھا پناہ گاہیں ہین۔وزیراعظم آکھیے جواحساس پروگرام ہک ودا پروگرام اے جیندے تحت تعلیمی وظائف وی ڈتے ویندے پین،بالاں اچ غذائی کمی تے قابو پاونڑ سانگے وی پروگرام شروع کیتے،اپنڑے گھر کیتے گھٹ شرح سودتے قرضے ڈیسوں،تریمتیں کیتے وی روزگار سکیم شروع تھی گئی اے۔ تقریب نال وزیراعلیٰ عثمان بزداروی خطاب کیتے۔