وزیر اعظم عمران خان دا ملک اچ تعمیراتی شعبے سانڳے بئے مراعات دا اعلان، ملک اچ ارباں روپے دے تعمیراتی منصوبیاں نال ملک اچ روزگار دے موقع ملسن،وزیراعظم عمران خان

اسلام آباد۔31دسمبر  (اے پی پی) وزیر اعظم عمران خان دا ملک اچ تعمیراتی شعبے سانڳے بئے مراعات دا اعلان کریندیں ہوئیں آکھیا جو ملک اچ ارباں روپے دے تعمیراتی منصوبیاں نال ملک اچ روزگار دے موقع ملسن اتے عام بندہ آپݨے گھر دا مالک بݨ سڳسی۔ پاکستان تعمیرات دے شعبے کوں اوں ویلھے چاتے جڈاں پوری دنیا اچ لاک ݙائون پاروں اقتصادی صورتحال ابتر ہئی، وݙے شہراں سانڳے نویں ماسٹر پلان بݨیندے پیوں۔ خمیس کوں ملک چ تعمیراتی شعبے سانڳے بئے مراعات دا اعلان کریندیں ہوئیں وزیراعظم آکھیا جو پنجاب اچ 163 ارب روپے دے تعمیراتی منصوبے شروع تھی ڳئن۔ تعمیراتی شعبے دے ودھارے نال پنجاب اچ 1500 ارب روپے دی اقتصادی سرگرمیاں شروع تھیسن، انہاں منصوبیاں نال روزگار دے اݙھائی لکھ موقع بݨسن پنجاب خیبرپختونخوا، بلوچستان اتے سندھ سودھے پورے ملک اچ تعمیراتی شعبہ حکومتی مراعات توں فائدہ چیندا پئے۔ بینکاں آندے سال سانڳے 378 ارب روپے کنسٹرکشن دے شعبے سانڳے رکھین، تنخواہ دار طبقے دے گھٹ لاگت تعمیراتی منصوبے سانڳے وی پیکیج ݙتے ڳئن۔ انہاں آکھیا جو 186 ارب روپے دے پراجیکٹس ایف بی آر دے پورٹل تے رجسٹرڈ تھی ڳئن۔ گھٹ لاگت مکاناں سانڳے پنج توں ست فیصد دی شرح تے قر:ے ݙتے ویسن۔ پہلے مرحلے اچ ہک لکھ مکاناں سانڳے ترائے لکھ روپے ݙتے ویسن۔ وزیراعظم آکھیا جو تعمیراتی شعبے سانڳے فکس ٹیکس رجیم اچ 31 دسمبر 2021ء تئیں ودھا ݙتی ڳئی اے۔