وزیراعلی پنجاب عثمان بزدارنال سینیٹر عون عباس بپی دی ملاقات

لاہور۔13ستمبر (اے پی پی) وزیراعلی پنجاب سردارعثمان بزدار نال سنوار کوں اسلام آباد اچ سینیٹر عون عباس بپی ملاقات کیتی۔ وزیراعلیٰ ایں موقع تے ڳالھ مہاڑ کریندیں ہوئیں آکھیا جو اساݙا ہر قدم فلاح کیتے اے۔ ترائے سالیں اچ عوامی خدمت تے فوکس کیتے۔ ہر علاقے دی ہکو سویں ترقی کیتے 360 ارب روپے دا ڈسٹرکٹ ڈویلپمنٹ پیکیج ݙتے۔ صوبے دی تاریخ اچ پہلی واری نظر انداز کیتے ڳئے علاقیاں اچ ترقیاتی کم تھیندے پئن۔ اپوزیشن دوغلی سیاست کر تے عوام کوں گمراہ نی کر سڳدی۔ افراتفری دی سیاست ملک تے قوم دے فائدے اچ کائنی۔ سینیٹر عون عباس بپی آکھیا جو وزیراعلیٰ عثمان بزدار دی قیادت اچ پنجاب حکومت صوبے دی عوام کیتے سوکھ پیدا کریندی پئی اے ۔