اسلام آباد۔13ستمبر(اے پی پی)وزیر خارجہ شاہ محمود قریشی آکھیے جو جغرافیائی و سیاسی سوچ توں ہٹ تے افغانستان دی تعمیر نو کڑم دی لوڑھ اے، سارے ذمہ دار ممالک پچھلیاں غلطیاں توں سبق سکھدے ہوئے ہک نویں دور دی شروعات کرن، مستحکم اتے پر امن افغانستان کیتے تعمیر نو اچ ہتھ ونݙیڄے، افغانستان کوں معاشی تباہی توں بچاوݨ کیتے ڄڳ کوں رل مل تے کم کرݨ دی لوڑھ اے۔ خلیج ٹائمز اچ آپݨے مضمون اچ وزیر خارجہ آکھیے جو کئی ڈھاکیاں دے اوکھ توں بعد اڄ ہک تاریخی دوراہے تے کھڑے، جتھاں یا او اوکھ توں نکل سڳدے یا ول بطور ریاست ناکامی دو ونڄ سڳدے اتے ایندے نال پورا خطہ متاثر تھیسی۔ وزیر خارجہ آکھیے جو قریبی ہمسایہ ہووݨ پاروں اساں افغانستان توں لاتعلق نسے رہ سڳدے، پاکستان افغانستان توں پر امن انخلا کتیے کردار ادا کیتے، اساں لوکاں دی فلاح کیتے امدادی سرگرمیاں اچ وی حصہ ڳھندے پئے ہیں، پاکستان افغانستان اچ کہیں وی بحران توں بچݨ کیتے ہمیشہ مذاکرات اتے مفاہمت تے زور ݙتے، خطے اچ امن کیتے افغانستان دا پورے ڄق کوں ہتھ ونݙاوݨا چاہیدے اتے اتے امن کوں خراب کرݨ آلے عناصر تے اکھ رکھݨی چاہیدی اے، ایں ویلھے افغان عوام دے زخماں تے ملم لاوݨ دی لوڑھ اے، ایں سانڳے ڄڳ کوں سائبر پروپیگنڈے نال گمراہ نئیں کرݨا چاہیدا۔ وزیر خارجہ شاہ محمود قریشی آکھیے جو اپکستان ہک ذمہدار ہمسایہ ملک ہووݨ پاروں امن، استحکام کیتے افغانستان دا ہتھ ونݙیندا راہسی۔
