پاکستان اندرونی و بیرونی محاذ تے وݙیاں کامیابیاں ڳھدن، ملک درست سمت دو ویندا پئے، بھارتی انتہا پسندانہ نظریہ خطے دے امن کیتے خطرہ اے، صدر عارف علوی دا پارلیمنٹ دے مشترکہ اجلاس نال خطاب

اسلام آباد۔13ستمبر(اے پی پی)صدر مملکت ڈاکٹر عارف علوی پچھلے 3 سالاں اچ حکومتی اقدامات پاروں پاکستان دی اندرونی اتے بیرونی محاذ تے کلیدی کامیابیاں دی تعریف کریندے آکھیے جو پاکستان ہک نویں اتے درست سمت دو ویندا پئے، کرونا دے باوجود حکومت دی موثر پالیسیاں اتے حکمت عملی نال پاکستان دی معیشت تکڑی رہی اے، تر سیلات، برآمدات، اسٹاک ایکس چینج اچ چنڳائی سودھا مثبت اقتصادی اشاریے حکومتی معاشی کارکردگی دا ثبوت ہین، احساس پروگرام نال کمزور طبقیاں کیتے اقدامات، تعمیراتی شعبہ کیتے مراعات، ڳھٹ آمدنی آلے لوکاں کیتے مکان اتے چھت ݙیوݨ، کامیاب جوان پروگرام اتے یکساں قومی نصاب چنڳے اقدامات ہین۔ بھارت دے انتہاپسند ہندوتوا فاشسٹ نظریہ نال خطے دے امن کوں خطرہ اے، بھارت کشمیر اچ ظلم بند کرے اتے اقوام متحدہ دی قرارداداں دے مطابق کشمیریاں کوں حق خودارادیت دا وعدہ نبھاوے’ پاکستان اچ جمہوریت، انتخابات اچ شفافیت کیتے الیکٹرانک ووٹنگ مشین سودھا انتخابی اصلاحات دی لوڑھ اے، جعلی خبراں اتے غیبت توں چھٹکارا کر تے تربیت تے خصوصی توجہ ݙیوݨ دی لوڑھ اے۔ پارلیمنٹ دے مشترکہ اجلاس نال خطاب اچ صدر مملکت ڈاکٹر عارف علوی تریڄھے پارلیمانی سال دے پورا تھیوݨ اتے چوتھے دی شروعات تے مبارک ݙتی اتے دعا کیتی جو پاکستان اچ جمہوری اقدار اتے برداشت دی ریت ودھے۔ انہاں آکھیا جو پچھلے 3 سال ملک اچ ؤفیان تبدیلیاں آئن، اساں آپݨے حوصلے اتے ثابت قدمی نال تیکھے ہک روشن پاکستان دی منزل تے پڄ ویسوں۔