اسلام آباد۔14ستمبر (اے پی پی):پاکستان انٹرنیشنل ایئر لائن (پی آئی اے) دے چیف ایگزیکٹو آفیسر ایئر مارشل (ر ) ارشد ملک آکھیے جو پی آئی اے دا لیز تے ڳھدا ڳیا ایئربس طیارہ اسلام آباد پڄ ڳئے، منڳل کوں آپݨے ھک بیان اچ انہاں آکھیے جو پی آئی اے ٹینڈر دے ذریعے ݙو طیارے ڳھدے ݙوجھا طیارہ کڄھ ݙینھ تئیں پاکستان پڄ ویسی ، ݙوہیں طیارے 2017ساخت دے ہن ۔ انہاں آکھیے جو کووڈ اتے عالمی ہوابازی دے حالات پاروں پی آئی اے گزریل ݙو سالاں توں طیارے نی گھن سڳیا طیارے پی آئی اے دے ٻیڑے دے پراݨے طیاریں کوں تبدیل کریسوں ، انہاں آکھیے جو انہاں طیاریں توں پی آئی اے اپݨے مہماناں کوں بہتر اتے آرام دہ سفری سہولتاں ݙیسی ۔ نویں طیارٰں دا حصول اللہ دی مہربانی اتے میݙی ٹیم دیاں کوششاں پاروں عمل اچ آئے ۔
