اسلام آباد۔14ستمبر (اے پی پی):وزیراعظم دے ترجمان و معاون خصوصی سیاسی ابلاغ ڈاکٹر شہباز گِل آکھیے جو شریف خاندان کوں آئین دی بالادستی صرف کرپشن اتے منی لانڈرنگ بچاوݨ کیتے یاد آندی اے ، چوری اتے ڈکیتی کرݨ آلے ملک کوں اڳوں گھن ونڄݨ دی ڳال کریندے ہوئیں شرم کرن، اے ڳال انہاں منڳل کوں شاہد خاقان عباسی دے بیان تے ردعمل وچ آکھی اے ۔ ڈاکٹر شہباز گل آکھیے جو شریف خاندان کوں آئین دی بالادستی صرف کرپشن اتے منی لانڈرنگ بچاوݨ کیتے یاد آندی اے ،چوری اتے ڈکیتی کرݨ آلے ملک کوں اڳوں گھن ونڄݨ دی ڳال کریندے ہوئیں شرم کرن ، انہاں آکھیے جو جمہوریت اتے آئین دے برائے نام ٹھیکیدار کرپشن دے گند اچ لتھڑے ہوئے ہن۔ کرپٹ سیاستداناں اتے انہاں دے سہولت کاراں کیتے پی ایم ڈی اے باعثِ پریشانی اے۔ ڈاکٹر شہباز گِل آکھیے جو میڈیا دے ناں تے درباریاں دی دال ہݨ نہ ڳلسی ۔
