اسلام آباد۔14ستمبر (اے پی پی):سپریم کورٹ دے سینئر ترین جج جسٹس عمر عطا بندیال قائم مقام چیف جسٹس آف پاکستان دا حلف چا ڳھدے ۔ منگل کوں اتھاں عدالت عظمی توں جاری تفصیلات موجب جسٹس مقبول باقر جسٹس عمر عطا بندیال توں سادہ اتے پر وقار تقریب اچ قائم مقام چیف جسٹس آف پاکستان دے عہدے دا حلف ڳھدے ۔ تقریب اچ اٹارنی جنرل خالد جاوید خان ، سینئر وکلاء ، بار نمائندگان اتے لاء افسران شرکت کیتی۔ واضح رہےجو چیف جسٹس آف پاکستان جسٹس گلزار احمد ٻاہرلے ملک نجی دورے تے ڳئن ۔ چیف جسٹس گلزار احمد دی ملک اچ غیر موجودگی دے دوران عدالت عظمی دے سینئر ترین جج جسٹس عمر عطا بندیال قائم مقام چیف جسٹس آف پاکستان دے فرائض پورے کریسن ۔
