دوشنبے۔16ستمبر(اے پی پی)وفاقی وزیر اطلاعات و نشریات چوہدری فواد حسین آکھیے وزیراعظم عمران خان دے معاشی وژن دے تحت اساں سی پیک کوں وسطی ایشیائی ریاستاں نال ڄوڑݨ چاہندے ہیں، افغانستان دے مسلہ توں پہلے وی اساں وسط ایشیائی ریاستاں کوں ایندی دعوت ݙیندے رہے ہیں۔ اے ڳالھ انہاں دوشنبے اچ میڈیا نال الیندے آکھی۔ انہاں آکھیا جو ازبکستان نال ٹرانس مزار شریف ٹرین اتے روڈ نیٹ ورک منصوبے سانڳے گوادر اتے کراچی کوں مزار شریف دے رستے پہلے تاشقند اتے ول دوشنبے اتے قازقستان نال ملاوݨ چاہندے ہیں جیندے نال خطے دی سورتحال بالکل بدل ویسی۔ انہاں امید کیتی جو افغانستان اچ صورتحال چنڳی تھی ویسی، وزیراعظم، قازقستان دے صدر نال افغانستان بارے الائے، جیکر ڄیکر افغانستان اچ عالمی برادری طالبان حکام نال معاہدے دے تحت کم کیتا تاں ایندا پورے خطے اتے ڄڳ کوں فیدہ تھیسی، اساں افغانستان کوں انہاں حالات اچ کلہا چھور ݙتا تاں ایندے نال ٻہوں وݙے مسلے پیدا تھی سڳدن۔
