دوشنبے۔17ستمبر (اے پی پی):وفاقی وزیر اطلاعات و نشریات چوہدری فواد حسین آکھیے جو افغانستان دی صورتحال تے تاجکستان دا کردار ٻہوں اہم اے ، وزیراعظم دی خواہش اے پاکستان تے تاجکستان افغانستان دے مختلف نسلی دھڑیں کوں نیڑے گھن آوݨ اچ آپݨا کردار نبھاون۔، اے ڳال انہاں جمعے کوں وزیراعظم دے دورہ تاجکستان دے ݙوجھے ݙینھ دے حوالے نال بریفنگ ݙیندے ہوئیں آکھی اے وفاقی وزیر اطلاعات چوہدری فواد حسین آکھیے جو وزیراعظم اڄ دوشنبے اچ شنگھائی تعاون تنظیم دے سربراہی اجلاس توں خطاب کریسن ، وزیر خارجہ شاہ محمود قریشی، قومی سلامتی دے مشیر معید یوسف اتے پاکستانی سفیر وی اتھاں موجود ہن ، انہاں ݙسائے جو شنگھائی تعاون تنظیم دے سربراہی اجلاس دے بعد وزیراعظم تاجکستان دے صدارتی محل ویسن جتھاں تاجکستان دے صدر دے نال مذاکرات تھیسن ، انہاں آکھیے جو اڄ دا ݙینھ ٻہوں اہم اے ۔
