اسلام آباد۔17ستمبر (اے پی پی) وفاقی وزیرخزانہ شوکت ترین آکھیا جو کامیاب پاکستان پروگرام اقتصادی طورتےکمزورطبقات دی حالت زاراچ بہتری بارے حکومت دا کلیدی پروگرام اے۔ ملک دی تاریخ اچ پہلی واری بینکاں کوں چھوٹے قرضے ݙیوݨ آلے اداریاں نال معاشرے دے معاشی طور تے غریب اتے کمزور طبقیاں کوں مربوط کر ݙتا ڳئے۔ انہاں اے ڳالھ جمعے کوں اتھاں کامیاب پاکستان پروگرام دی سٹیئرنگ کمیٹی اتےمشاورتی بورڈ دے اجلاس نال خطاب کریندیں ہوئیں آکھی۔ اجلاس اچ سارے سانجھے داراں دے مشورے نال کامیاب پاکستان پروگرام دے ڈیزائن اتے خدوخال دا جائزہ ڳھدا ڳیا۔
