دوشنبے۔17ستمبر (اے پی پی):وزیراعظم عمران خان آکھیے جو 4 ݙھاکیں توں بعد افغانستان اچ امن و استحکام آئے ، ایجھے موقع تے منفی پراپیگنڈا نقصان دہ ہوسی ۔ اے ڳال انہاں جمعے کوں کولیکٹو سکیورٹی ٹریٹی آرگنائزیشن اجلاس توں خطاب کریندے ہوئیں آکھی اے ۔ وزیراعظم آکھیے جو افغانستان اچ کہیں خون خرابے اتے فساد دے بغیر اقتدار دی منتقلی تھئی اے ، انہاں آکھیے جو افغانستان کوں معاشی طور تے مستحکم کرݨ ھک وݙا چیلنج اے۔ خطے دا امن افغانستان اچ امن نال جڑیا ہویا اے ، انہاں آکھیے جو عالمی برادری افغانستان اچ نویں حقائق داادراک کرے۔ اساکوں ایں ڳال دا یقین ݙیواوݨا ہوسی جو افغانستان ول دہشگرداں دی آماجگاہ نہ بݨے ۔ انہاں عالمی برادری تے زور ݙتے جو ایں اوکھے ویلھے افغان عوام دی مدد کرے ۔ وزیراعظم آکھیے جو سیاسی اتے علاقائی وابستگی توں بالا تر تھی کراہیں افغان عوام دی خوشحالی کیتے سوچݨا ہوسی ۔