پاکستان عالمی امن و استحکام کیتے آپݨا کردار نبھیندا پئے ، وزیر مملکت اطلاعات و نشریات فرخ حبیب دا عالمی یوم امن دے موقع تے پیغام

اسلام آباد۔21ستمبر (اے پی پی):وزیر مملکت اطلاعات و نشریات فرخ حبیب آکھیے جو پاکستان امن نال محبت کرݨ آلا ملک اے ، پاکستان عالمی امن و استحکام کیتے وی آپ دا کردار نبھیندا پئے ، اقوام متحدہ دے امن مشن اچ پاکستان دی خدمات ایں امر دا عملی نمونہ اے، اقوام متحدہ دا رکن ہووݨ دے باوجود ہندوستان دے ظلم، بربریت اتے انسانی حقوق دیاں سنگین خلاف ورزیاں تے عالمی برادری کوں ݙوڑا معیار ختم کرݨا ہوسی، افغانستان اچ امن کیتے پاکستان دی مخلصانہ کوششاں کوں عالمی برادری دی طرفوں تعریف کیتی ویندی پئی اے سنوار کوں عالمی یوم امن تے آپݨے پیغام اچ وزیر مملکت فرخ حبیب آکھیے جو عالمی امن و استحکام کیتے ہݨ تئیں پاک فوج دے 161جوان شہید تھی چکئن ، پاکستان دی 22 کروڑ عوام عالمی امن دے قیام کیتے شہید تھیوݨ آلے پاک فوج دے نینگراں کوں سلام پیش کریندی اے ۔