نیویارک۔21ستمبر (اے پی پی):وزیر خارجہ مخدوم شاہ محمود قریشی آکھیے جو افغانستان اچ مفاہمت دا عمل شمولیتی حکومت دے قیام دے بغیر مکمل نی تھی سڳدا ،عالمی رائے دا احترام اتے آپݨے وعدیں دی پاسداری طالبان دے بہتر مفاد وچ اے ۔اے ڳال انہاں نیویارک اچ یو این پریس نمائندگان دے وفد نال پاکستان ہاؤس اچ ملاقات کریندے آکھی اے وزیر خارجہ اہم علاقائی و عالمی امور تے پاکستان دے …
افغانستان اچ مفاہمت دا عمل شمولیتی حکومت دے قیام دے بغیر مکمل کائنی ،وزیر خارجہ مخدوم شاہ محمود قریشی دی نیویارک اچ ذرائع ابلاغ ںال ڳال مہاڑ
مزید خبراں
نیویارک۔21ستمبر (اے پی پی):وزیر خارجہ مخدوم شاہ محمود قریشی آکھیے جو افغانستان اچ مفاہمت دا عمل شمولیتی حکومت دے قیام دے بغیر مکمل نی تھی سڳدا ،عالمی رائے دا احترام اتے آپݨے وعدیں دی پاسداری طالبان دے بہتر مفاد وچ اے ۔اے ڳال انہاں نیویارک اچ یو این پریس نمائندگان دے وفد نال پاکستان ہاؤس اچ ملاقات کریندے آکھی اے وزیر خارجہ اہم علاقائی و عالمی امور تے پاکستان دے نقطہ نظر دی وضاحت کیتی تے افغانستان دی ابھردی ہوئی صورتحال تے ڳال کیتی صحافیاں دے سوالاں دے ولدے ݙتے۔وزیر خارجہ آکھیے جو افغاناں گزریل چار ݙھاکیں اچ جنگ و جدل دا سامݨا کیتے ، ہݨ افغانستان اچ قیام امن دی امید پیدا تھئی اے ۔عالمی برادری کوں ایں نازک موڑ تے افغاناں کوں کلھا نی چھوڑݨا چاہیداانہاں آکھیے جو پر امن افغانستان پورے خطے کیتے چنڳاں ہوسی ۔وزیر خارجہ آکھیے جو افغانستان اچ پنپدے انسانی بحران دے خطرے نال نبݨݨ سانڳے عالمی برادری کوں اڳوں ودھ تے افغاناں دی مدد کوں یقینی بݨاوݨ کیتے اقدامات چاوݨے ہوسن ، اساں افغانستان اچ امن و استحکام چاہندوں ۔ شاہ محمود قریشی آکھیے جو میݙی صلاح وچ افغانستان دے منجمد اثاثیں کوں افغاناں کیتے کھولݨ بہتر ہوسی اے اعتماد سازی کیتے اہم اقدام تھی سڳڈے ، ھک سوال دے ولدے اچ وزیر خارجہ آکھیے جو اساں امن چاہندوں اڄ وی ہندوستان کنے آپشن موجود اے جے او خطے اچ قیام امن چاہندے تاں کشمیریاں تے جاری ظلم کوں بند کرے تے 5 اگست جیہے غیر آئینی اقدامات کوں واپس گھنے ،پاکستان، خطے اچ امن کاوشاں اچ شراکت داری چاہندے ۔
