حکومت برآمد کنندگان کوں ودھ سہولتاں ݙیندی پئی اے، برآمدات ودھاوݨ کیتے غیر روایتی مصنوعات تے توجہ ݙویڄے، وزیراعظم عمران خان دا اجلاس نال خطاب

اسلام آباد۔29ستمبر(اے پی پی)وزیراعظم عمران خان آکھیے جو حکومت برآمد کنندگان کوں ودھ سہولتاں ݙیندی پئی اے، برآمدات دا حجم ودھاوݨ کیتے غیر روایتی مصنوعات تے توجہ ݙویڄے، پاکستانی سفارتخانیاں اچ افسران کوں اہداف ݙتے ونڄن۔ اے ڳالھ انہاں برآمدات ودھاوݨ بارے جائزہ اجلاس دی صدارت کریندے آکھی۔ اجلاس اچ وفاقی وزیر خزانہ شوکت فیاض ترین، مشیر تجارت عبدالرزاق دائود، مشیر قومی سلامتی ڈاکٹر معید یوسف اتے ٻئے سینئر افسران وی موجود ہن۔ اجلاس اچ کامرس ڈویژن برآمدات سانڳے اقدامات، سرمایہ اکر دوست پالیسیاں اتے برآمد کنندگان کوں مراعات تے بریفنگ ݙتی۔ وزیر اعظم عمران خان آکھیے جو ملکی برآمدات ودھاوݨ کیتے اپݨیاں مصنوعات اچ جدٹ ڳھن آوݨ اتے پاکستانی مصنوعات کیتے نویاں منݙیاں ڳولݨ دی لوڑھ اے۔