اسلام آباد۔13اکتوبر(اے پی پی)صدر مملکت ڈاکٹر عارف علوی آکھیے جو حکومت دیاں سیاݨیاں پالیسیاں معیشت کوں سیدھی راہ تے پا ݙتے، پاکستان خطے اچ معاشی مرکز ٻݨ تے ابھریے، آٹو موبائل دے شعبہ اچ مقامی یونٹس دی تیاری حوصلہ افزا اے۔ اے ڳالھ انہاں کراچی اچ پروٹون سی کے ڈی پلانٹ دی افتتاحی تقریب نال خطاب اچ آکھی۔ انہاں آکھیا جو نویں زمانے دے مطابق نینگراں کوں ہنر مند ٻݨاوݨ کیتے ودھ اقدامات دی لوڑھ اے، حکومت دی سرمایہ کار دوست پالیسیاں پاروں سرمایہ کاری ودھدی پئی اے، ڄڳ اچ پاکستان دا مثبت تشخص ودھاوݨا چاہیدے۔ انہاں آکھیا جو ڄڳ اچ تجارت ودھے تاں امن وی ودھدے، گوادر بندرگاہ وسطی ایشیائی ریاستاں کوں افغانستان دے راستے ڳھٹ فاصلے اتے لاگت دا بہترین تجارتی رستہ کھلیسی۔ انہاں آکھیا جو افغانستان اچ امن سانڳے ڄڳ کوں رابطے ودھاوݨے چاہیدن۔ تقریب نال کراچی اچ ملائیشیا دے قونصل جنرل خیرالنظران وی خطاب کیتے۔
