اسلام آباد۔13اکتوبر(اے پی پی)وزیراعظم عمران خان آکھیے جو مالی اتے انتظامی اختیارات سانڳے مختلف منصوبیاں تے کم تیکھا کریندے پئے ہیں، گلگت بلتستان کوں بہتر مواصلاتی سہولتاں ݙیوݨ کیتے فوری اقدامات کیتے ونڄن۔ اے ڳالھ انہاں گلگت بلتستان دے مربوط ترقیاتی منصوبے دے جائزہ اجلاس نال خطاب اچ آکھی۔ وزیر اعظم متعلقہ حکام کو ہدایت کیتی جو او گلگت بلتستان دی ترقی سانڳے طریقہ کار اتے اقدامات اچ رکاوٹاں دور کرن، جو گلگت بلتستان دے لوکاں کوں وی ترقی اچ حصی ملے اتے انہاں کوں مسلیاں دے حل کیتے اسلام آباد نہ ونڄݨا پووے۔ اجلاس اچ جی بی کیتے 5 سالہ ترقیاتی پیکیج تے عمل درآمد بارے بریفنگ ݙتی ڳئی۔ پیکج دے تحت 370 ارب روپے مالی سال ۔2025-26 تئیں مختلف ترقیاتی منصوبیاں کیتے ݙتے ویسن۔۔ اجلاس اچ وفاقی وزراء محمد حماد اظہر، علی امین خان گنڈا پور، سید امین الحق، بیرسٹر فروغ نسیم، وزیر اعظم دے معاون خصوصی ڈاکٹر شہباز گل اتے وزیراعلیٰ گلگت بلتستان خالد خورشید سودھا متعلقہ سینئر افسران شرکت کیتی۔
