اسلام آباد۔13اکتوبر(اے پی پی)وزیراعلیٰ عثمان بزدار آکھیے جو تریمتیں کوں با اختیار بݨاوݨ تحریک انصاف دی حکومت دا مشن اے، صنفی وانڄھ مکاوݨ، تریمتیں دے حقوق بچاوݨ اتے سماجی و معاشی خودمختاری کیتے ودھ اقدامات کیتن۔ اے ڳالھ انہاں تریمت اراکین صوبائی اسمبلی سمیرا احمد اتے سعدیہ سہیل نال ملݨ ویلھے آکھی۔ انہاں سیاسی امور خاص کر متعلقہ حلقیاں اچ عوامی مسلیاں دے حل تے الایا۔ وزیر اعلیٰ یقین ݙیوایا جو عوام دی بہتری کیتے بغیر کہیں وانڄھ دے ترقیاتی کم تھیندے پین، لاہور سودھا ہر ضلعے کیتے انڄھو انڄھ ہکو سواں ترقیاتی پیکج رکھیا ڳئے۔ تریمت ارکان اسمبلی، صوبے اچ تریمتیں دی بہتری کیتے انقلابی اقدامات تے وزیر اعلیٰ دی تعریف کیتی۔
