اسلام آباد۔13اکتوبر(اے پی پی)وزیر اعظم عمران خان آکھیے جو پورے ملک اچ 12 ربیع الاول شایانِ شان طریقے نال منایا ویسی، ایں سانڳے پورے ملک اچ تقریباں تھیسن اتے اسلام آباد اچ ملکی تاریخ دی سب توں وݙی تقریب ہوسی۔ اے ڳالھ انہاں 12 ربیع الاول دی تقریب دی تیاریاں بارے اعلی سطح اجلاس دی اڳواݨی کریندے آکھی۔ اجلاس اچ وفاقی وزراء فواد چوہدری، نور الحق قادری، شفقت محمود، معاونینِ خصوصی شہباز گِل، عثمان ڈار، سینیٹر فیصل جاوید، رکنِ قومی اسمبلی عامر محمود کیانی اتے متعلقہ افسران شرکت کیتی۔ گورنر سندھ عمران اسماعیل، سینیٹر سیف اللہ نیازی اتے ڈاکٹر عطاء الرحمن وڈیو لنک تے شرکت کیتی۔