اسلام آباد۔13اکتوبر(اے پی پی)وزیراعظم عمران خان آکھیے جو پاک ایران سرحد امن اتے سنڳت دی سرحد اے، افغانستان دے ہمسائے ہووݨ پاروں پاکستان اتے ایران دا امن و استحکام نال براہ راست تعلق اے۔ اے ڳالھ انہاں اسلام آباد اچ ایران دے چیف آف جنرل سٹاف میجر جنرل محمد باقری نال ملݨ ویلھے آکھی۔ انہاں پاک ایران تعاون، علاقائی امور خاص کر افغانستان دی صورتحال تے الایا۔ ملاقات اچ ݙوطرفہ تجارتی، معاشی اتے توانائی دے شعبہ اچ ہتھ ونݙاوݨ دا عزم دوہرایا۔ انہاں سرحدی سلامتی ودھاوݨ، سرحد تے مارکیٹاں ٻݨاوݨ تے اتفاق کیتا۔ وزیراعظم عمران خان کثیر القومی مفاہمت اتے جامع سیاسی تصفیے تے زور ݙیندے آکھیا جو اہم معاملیاں تے پاکستان اتے ایران اچ ہم آہنگی ٻہوں اہم اے۔ وزیر اعظم ایرانی صدر ابراہیم رئیسی کوں دورہ پاکستان دا سنیہا ٻھیڄیا۔ انہاں آکھیا جو پاک ایران تعلقات تاریخی ہین، پاکستان پرامن اتے معاشی طور تے مستحکم افغانستان چاہندے، ایں سانڳے عالمی برادری مثبت کردار ادا کرے۔
