راولپنڈی۔14اکتوبر (اے پی پی):وفاقی وزیرداخلہ شیخ رشید احمد ہولی فیملی ہسپتال راولپنڈی دا دورہ کرتے ڈینگی وارڈ دا معائنہ کیتے اتے ہسپتال انتظامیہ کوں ہدایت کیتی جو ڈینگی دے مرض توں بچݨ کیتے عوام اچ آگاہی مہم چلائی ونڄے۔خمیس کوں ہولی فیملی ہسپتال راولپنڈی دے دورے دے موقع تے وزیرداخلہ شیخ رشید احمد کوں ڈینگی دے مریضاں متعلق بریفنگ ݙتی ڳئی تے ہولی فیملی ہسپتال دی طرفوں کیتے ڳئے انتظامات بارے ݙسایا ۔ راولپنڈی میڈیکل یونیورسٹی دے وائس چانسلر ڈاکٹر محمد عمر وزیر داخلہ کوں ڈینگی مرض متعلق بریفنگ ݙتی۔وزیر داخلہ شیخ رشیداحمد ہسپتال انتظامیہ کوں ڈینگی دے مریضاں کوں بہترین سہولتاں ݙیوݨ دی ہدایت ݙتی ۔وزیر داخلہ شیخ رشید احمد ایں موقع تے پچھیا جو کورونا جیہے موذی مرض دا مقابلہ کرسڳدوں تاں ڈینگی تے قابو کیوں نی پاتا ونڄ سڳدا ۔وفاقی وزیر داخلہ آکھیے جو ڈینگی مرض پیدا کرݨ آلے عوامل کوں مکاوݨ دی لوڑھ اے ۔ راولپنڈی میڈیکل یونیورسٹی دے وائس چانسلر ڈاکٹر محمد عمر وزیر داخلہ کوں ݙسایا جو ہولی فیملی اسپتال اچ ڈینگی دے 87 مریض داخل ہن جیں اچ 7 ٻال وی شامل ہن ہسپتال اچ ڈینگی مرض دے علاج کیتے ساریاں سہولتاں موجود ہن ۔
