اسلام آباد۔14اکتوبر (اے پی پی):وزیر اعظم دے معاون خصوصی موسمیاتی تبدیلی ملک امین اسلم نال پاکستان اچ سعودی عرب سفیر نواف الملکی اتے برطانیہ دے ہائی کمشنر کرسچئین ٹرنر انڄ انڄ ملاقات کیتی ۔ وزارت موسمیاتی تبدیلی دے ترجمان موجب سعودی سفیر ملک امین اسلم نال وزیر اعظم عمران خان دے دورہ سعودی عرب بارے مشاورت کیتی۔ وزیر اعظم عمران خان 25 اکتوبر کوں سربراہی سمٹ اچ شرکت کریسن ، ایں موقع تے سعودی سفیر ݙسایا جو سعودی ولی عہد وزیراعظم کوں ماحولیات بارے تقریب اچ مرکزی خطاب دی دعوت وی ݙتی اے، اساں چاہندوں جو پاکستان کوں 50 ارب درختاں دے منصوبے اچ پارٹنر بݨیسوں ۔ ایندے توں انڄ املک امین اسلم نال برطانیہ د ہائی کمشنر کرسچئین ٹرنر وی ملاقات کیتی۔ ملاقات اچ برطانوی ہائی کمشنر بلین ٹری سونامی منصوبہ دی تعریف کیتی ۔ برطانوی ہائی کمشنر گلاسکو کلائمیٹ سربراہی اجلاس بارے میتھین عہد ڈاکومنٹ تے ڳال مہاڑ کیتی ۔ملاقات اچ ٹین بلین ٹری سونامی سودھے انرجی، کلین گرین جیہے منصوبیں اچ تعاون تے اتفاق کیتا ڳئے ۔ معاون خصوصی ملک امین اسلم برطانوی ہائی کمشنر اتے سعودی سفیر کوں سوینئیر پیش کیتے۔
