اسلام آباد۔14اکتوبر (اے پی پی):عشرہ رحمت اللعالمینۖ دے سلسلے اچ کل پاکستان مقابلہ نعت خوانی خمیس کوں ریڈیو پاکستان اسلام آباد اچ منعقد تھیا ۔ وفاقی وزیر مذہبی امور پیر نور الحق قادری اتے وزیر مملکت اطلاعات و نشریات فرخ حبیب مہمان خصوصی ہن ۔ایں موقع تے سیکرٹری اطلاعات و نشریات شاہیرہ شاہد سودھے وزارت اطلاعات و نشریات اتے ایندے ذیلی اداریں دے اعلی افسران وی موجود ہن ۔مقابلے اچ پورے ملک توں 15 سال توں گھٹ عمر دے ٻالاں تے ٻالڑیاں دے علاوہ 15 توں 25 سال عمر دے ٻالاں تے ٻالڑیاں دے ݙوکیٹگریز اچ حصہ گھنݨ آلے ثناء خوان مصطفیٰ شرکت کیتی۔ 15 سال توں گھٹ عمر دی کیٹگری اچ سندھ توں حسن علی شاہ اتے ٻالڑیاں اچ سندھ توں ثنیہ اول انعامات حاصل کیتے، صوبہ پنجاب توں علی رضا اتے صوبہ خیبر پختونخوا توں ایمان خالد ݙوجھا انعام حاصل کیتے جݙاں جو خیبر پختونخوا توں ہی حنیف محمد اتے نورالھدیٰ تریجھی پوزیشن حاصل کیتی۔ 15 توں 25 سال تئیں دی ݙوجھی کیٹگری اچ عذیر عالم ٻالڑیاں اچ عائشہ اکبر اول جݙاں جو خیبرپختونخوا توں تعلق رکھݨ آلے سعید احمد شاہ تے مغیرہ بتول ݙوجھی پوزیشن حاصل کیتی ، پنجاب دے معین الحق اتے سندھ توں ماہ نور خان نعتیہ مقابلے اچ تریجھی پوزیشن حاصل کیتی ۔حوصلہ افزائی دا انعام بصارت توں محروم ٻالڑی حرا کائنات کوں ݙتا ڳئے ۔
