اسلام آباد۔14اکتوبر (اے پی پی) وفاقی وزیر خزانہ شوکت ترین آکھیا جو پاکستان اتے بین الاقوامی مالیاتی فنڈ (آئی ایم ایف) وچال چھی ارب ڈالر دی توسیعی فنڈ سہولت ای ایف ایف کیتے اعلیٰ سطح دے مذاکرات کامیاب نتیجے دی امید اے، پاکستان دی معیشت مالی سال22 -2021 وچال پنج فیصد توں ودھ ترقی کریسی، کوئی وی رکاوٹ پاکستان کوں دنیا دی ݙاہ وݙی معیشتاں اچ شامل تھیوݨ توں نی روک سڳدی۔ اڄوکی بھارتی حکومت جموں تے کشمیر دی متنازعہ حیثیت کوں نی منیندی پئی۔ اے ڳالھیں انہاں خمیس کوں واشنگٹن اچ یو ایس انسٹی ٹیوٹ آف پیس (یو ایس آئی پی) اچ ’’پاکستان دا اقتصادی مستقبل‘‘ دے موضوع تے ڳالھ مہاڑ کریندیں ہوئیں آکھی۔ انہاں آکھیا جو آئی ایم ایف نال مذاکرات دا چھینواں دور انہاں دے امریکا دے دورے دا اہم حصہ اے۔ انہاں آکھیا جو ایں ویلھے آئی ایم ایف نال کامیابی نال ڳالھ مہاڑ تھیندی پئی اے۔ انہاں آکھیا جو وزیراعظم عمران خان ہک ایجھی معیشت سنبھالی جیڑھی جو 2018 اچ 20 بلین ڈالر دے کرنٹ اکائونٹ خسارے، بھارتی زری خسارے دے نال چلدی پئی ہئی پر حکومت معیشت دی چنڳائی کیتے ترجیحی بنیاداں تے کم کیتے جئیں دے چنڳے نتیجے ملݨ شروع تھی ڳئن۔ انہاں آکھیا جو جو پاکستان اتے بین الاقوامی مالیاتی فنڈ (آئی ایم ایف) وچال چھی ارب ڈالر دی توسیعی فنڈ سہولت ای ایف ایف کیتے اعلیٰ سطح دے مذاکرات کامیاب نتیجے دی امید اے، پاکستان دی معیشت مالی سال22 -2021 وچال پنج فیصد توں ودھ ترقی کریسی، کوئی وی رکاوٹ پاکستان کوں دنیا دی ݙاہ وݙی معیشتاں اچ شامل تھیوݨ توں نی روک سڳدی۔ اڄوکی بھارتی حکومت جموں تے کشمیر دی متنازعہ حیثیت کوں نی منیندی پئی۔
