اسلام آباد۔29نومبر (اے پی پی) وزیراعظم عمران خان پاکستان دی جامعات اچ تحقیق دی لوڑھ کوں اجاگر کریندیں ہوئیں آکھیا جو آپݨی آندی نسلاں کوں سیرت النبی ﷺ، اولیاکرام دی تعلیمات بارے ݙساوݨ اتے کردار سازی کیتے تحقیق دے اہم مراکز ہوسن۔القادر یونیورسٹی مسلم امہ کوں درپیش فکری مسئلیاں کوں سلجھاوݨ بارے عالمی سکالرز دے تعاون نال تحقیق تے مباحثہ دا محور ٻݨسی۔ قرآنی احکامات دے باوجود معاشرے اچ اجتہاد توں دورہ بدقسمتی اے، عظیم قوم ٻݨݨ کیتے عظیم کردار چاہیدے، خود غرض، اخلاقی اقدار آلے معاشرے کوں ایٹم بم وی تباہ نی کر سڳیا، بزدل اتے بی ایمان بندہ کݙاہیں لیڈر نی بݨ سڳدا۔ سنوار کوں جہلم اچ القادر یونیورسٹی دے اکیڈمک بلاکس دے افتتاح دے موقع تے خطاب کریندیں ہوئیں وزیراعظم آکھیا جو میں تاریخ دا طالب علم ہم، میں تاریخ دا گہرائی نال مطالعہ کیتے۔ پاکستان ٻݨݨ دے بعد تکھے ترقی کریندا پیا ہئی، 1960 دے ݙھاکے اچ دنیا اچ پاکستان دی ہک حیثیت ہئی اتے پاکستانیاں دی دنیا اچ ٻہوں عزت ہئی۔ اساں اتھاں زوال امدا ݙٹھے۔ انہاں آکھیا جو اساں ہک سچے عاشق رسولﷺ اتے اساݙا دین تے ساریاں توں ودھ زور اے پر بدقسمتی نال اساݙی زندگی ایندا عملی نمونہ کائنی۔ انہاں آکھیا جو پاکستان صلاحیتاں توں مالا مال اے۔ اتھاں سارا کجھ اے صرف باکردار قیادت دی ڳھٹکی اے۔ عوام دی خدمت پیغمبرانہ کم اے۔ او انسانیت دی خمدت کیتے آئے۔ ݙوجھے پاسوں جݙاں کوئی لیڈر بݨ تے قوم دا پیسہ چوری کرے تاں ملک کیتے ایں توں وݙا عذاب کوئی نی تھی سڳدا۔ نبی ﷺ لیڈر شپ دا جیڑھا تصور ݙتا ہئی ایں تے یونیورسٹی اتے رحمت اللعالمین ﷺاتھارٹی تحقیق کریسی۔ انہاں آکھیا جو القادر یونیورسٹی اتے رحمت اللعالمین اتھارٹی آندی نسلاں کوں سیرت النبی ﷺ، اولیاکرام دی تعلیمات بارے ݙساوݨ اتے کردار سازی کیتے تحقیق دے اہم مراکز ہوسن۔
