اسلام آباد۔16مارچ (اے پی پی):وزیراعظم دے معاون خصوصی صحت ڈاکٹر فیصل سلطان آکھیے جو کورونا وائرس دی وبا دے کھنڈݨ اچ کمی آندی پئی اے تاں جو حالی تئیں مکمل طور تے اے وبا ختم نی تھئی ، ایں کیتے عوام احتیاطی تدابیر تے عملدرآمدجاری رکھیسن تے ماسک دا استعمال کرن۔ بدھ کوں این سی او سی اچ وفاقی وزیر منصوبہ بندی، ترقی و اصلاحات اسد عمر دے نال مشترکہ پریس بریفنگ ݙیندے ہوئیں کورونا وائرس دی وبا توں ملک دے ہیلتھ سسٹم تے جیڑھا دبائو ہئی ایندے اچ کافی حد تئیں کمی آئی اے تے نگہداشت دے یونٹس اچ وی کووڈ۔19 دے مریضاں دی تعداد گھٹ تھئی اے تاں جو ول وی وائرس دے کھنڈݨ دے حوالے نال مکمل مانیٹرنگ کریندے رہسوں
