باکو ۔2مارچ (اے پی پی):پاکستان نے غیروابستہ تحریک اتے عالمی برادری تے زور ݙتے جو او اقوام متحدہ دی سلامتی کونسل دی قرارداداں اتے کشمیری عوام دی امنگاں دے مطابق جموں و کشمیر دے پراݨے جھیڑے دے منصفانہ، پرامن اتے فوری حل کیتے اپݨا موثر کردار ادا کرے،غیرملکی مداخلت اتے قبضے دے نال نال لوکاں کوں حق خود ارادیت ݙیوݨ توں انکار جھیڑے تے انسانی حقوق دی سنگین خلاف ورزیاں …
غیروابستہ تحریک اتے عالمی برادری جموں و کشمیر دے پراݨے جھیڑے دےمنصفانہ، پرامن اتے فوری حل کیتے اپݨا موثر کردار ادا کرے ، پاکستان
باکو ۔2مارچ (اے پی پی):پاکستان نے غیروابستہ تحریک اتے عالمی برادری تے زور ݙتے جو او اقوام متحدہ دی سلامتی کونسل دی قرارداداں اتے کشمیری عوام دی امنگاں دے مطابق جموں و کشمیر دے پراݨے جھیڑے دے منصفانہ، پرامن اتے فوری حل کیتے اپݨا موثر کردار ادا کرے،غیرملکی مداخلت اتے قبضے دے نال نال لوکاں کوں حق خود ارادیت ݙیوݨ توں انکار جھیڑے تے انسانی حقوق دی سنگین خلاف ورزیاں دی بنیادی وجہ اے جیڑھے جو بھارت دے غیر قانونی طور تے زیر تسلط جموں و کشمیر تے بھارت دے قبضہ توں ظاہر تھیندے۔ اے ڳالھ انہاں خمیس کوں اتھاں غیر وابستہ تحریک دے سربراہی سطح دے رابطہ گروپ دے اجلاس اچ پاکستانی وفد دی سربراہی کرݨ آلے وفاقی وزیر اقتصادی امور سردار ایاز صادق خطاب کریندے ہوئیں آکھیے ۔ انہاں آکھیے ساݙے سارے ترقیاتی اہداف دے حصول کیتے فیصلہ کن شرط قومی، علاقائی اتے عالمی سطح تے منصفانہ اتے پائیدار امن و سلامتی دے ودھارے تے منحصر اے، جنگاں، جھیڑے تے غیر ملکی قبضے دے پس منظر اچ وبائی امراض دے بعد دی عالمی بحالی بارے ڳالھ کرݨ ناممکن اے۔وفاقی وزیر آکھیے پاکستان غیر وابستہ تحریک دے بنیادی نظریات دی قدر کریندے ، خاص طور تے غیر ملکی قبضے اچ رہݨ آلے لوکاں دے حق خود ارادیت کیتے اوں اصولی حمایت کیتی اے ۔ انہاں آکھیے غیر وابستہ تحریک جیں دی تعداد اقوام متحدہ دے ݙو تہائی رکن ملک ہن ، انہاں وبائی امراض دے بعد عالمی بحالی دی تشکیل اچ اہم کردار ادا کیتے۔وفاقی وزیر اقتصادی امور غیر وابستہ تحریک دے سربراہی سطح دے اجلاس دے انعقاد تے غیر وابستہ تحریک تے جمہوریہ آذربائیجان دے صدرالہام علیوف دی قیادت دے دوران آذربائیجان دا شکریہ ادا کیتے۔
