اسلام آباد۔2مارچ (اے پی پی):صدرمملکت ڈاکٹر عارف علوی لیڈیز ہیلتھ ورکرز اتے مڈ وائف دے کردار کوں مزید موثر اتے فعال بݨاوݨ دی لوڑھ تے زور ݙیندے ہوئیں آکھیے ایں ویلھے ایل ایچ ویزدی رسائی 37 فیصد آبادی تئیں اے اینکوں ودھا تے تریمتاں اچ دوران حمل اوکھ کوں گھٹ توں گھٹ کیتا ونڄ سڳدے ، تعلیم تے صحت ریاست دی ذمہ واری اے ایندے نال نال ٻئے سٹیک ہولڈرز …
لیڈیز ہیلتھ ورکرز دی رسائی ودھا تے تریمتاں اچ دوران حمل اوکھ کوں گھٹ توں گھٹ کیتا ونڄ سڳدے ، صدرمملکت ڈاکٹر عارف علوی
اسلام آباد۔2مارچ (اے پی پی):صدرمملکت ڈاکٹر عارف علوی لیڈیز ہیلتھ ورکرز اتے مڈ وائف دے کردار کوں مزید موثر اتے فعال بݨاوݨ دی لوڑھ تے زور ݙیندے ہوئیں آکھیے ایں ویلھے ایل ایچ ویزدی رسائی 37 فیصد آبادی تئیں اے اینکوں ودھا تے تریمتاں اچ دوران حمل اوکھ کوں گھٹ توں گھٹ کیتا ونڄ سڳدے ، تعلیم تے صحت ریاست دی ذمہ واری اے ایندے نال نال ٻئے سٹیک ہولڈرز کوں اڳوں ودھ تے انہاں شعبیں اچ کم کرݨا ہوسی ۔ اوہے قوماں ترقی کریندن جیڑھیاں تعلیم تے صحت دے شعبے تے توجہ ݙیندن ۔ او خمیس کوں اتھاں بہبودماں اتے بچہ ہسپتال راولپنڈی دی افتتاحی تقریب توں خطاب کریندے پئے ہن ۔ صدر مملکت ڈاکٹر عارف علوی خاتون اول ثمینہ عارف دے رلے ہسپتال دا باقاعدہ افتتاح کیتا ۔ تقریب اچ بہبود ایسو سی ایشن آف پاکستان دی صدر عابدہ ملک ، ایسوسی ایشن دے ممبران اتےغیر ملکی سفارتکار شریک ہن ۔ صدر مملکت ڈاکٹر عارف علوی زچگی ویلھے اموات دی شرح زیادہ ہووݨ تے تشویش کریندے ہوئیں آکھیے جو ایندے تے خصوصی توجہ ݙیوݨ دی لوڑھ اے ۔
