اسلام آباد۔3 مارچ(اے پی پی):وفاقی وزیر خزانہ سینیٹرمحمد اسحاق ڈار آکھیے چین دی وزارت خارجہ دی طرفوں گزریل ݙینھ بلومبرگ کوں ݙتای ڳیا جواب پاکستان اتے چین وچال دوستی اتے تعلق دی گہرائی دی عکاسی کریندے ۔ اے ڳالھ جمعہ کوں وزیرخزانہ سینیٹراسحاق ڈار اپݨے ٹویٹ اچ آکھی ۔واضح رہے جو گزریل ݙینھ بلوم برگ دی طرفوں جون تئیں چین اتے ݙوجھے عالمی اداریں کوں 7 ارب ڈالر دے قرض …
چینی وزارت خارجہ دی طرفوں بلومبرگ کوں ݙتا ڳیا جواب پاکستان اتے چین وچال یاری تے گھاٹے تعلق کوں ݙکھلیندے ،وفاقی وزیر خزانہ سینیٹر اسحاق ڈار
اسلام آباد۔3 مارچ(اے پی پی):وفاقی وزیر خزانہ سینیٹرمحمد اسحاق ڈار آکھیے چین دی وزارت خارجہ دی طرفوں گزریل ݙینھ بلومبرگ کوں ݙتای ڳیا جواب پاکستان اتے چین وچال دوستی اتے تعلق دی گہرائی دی عکاسی کریندے ۔ اے ڳالھ جمعہ کوں وزیرخزانہ سینیٹراسحاق ڈار اپݨے ٹویٹ اچ آکھی ۔واضح رہے جو گزریل ݙینھ بلوم برگ دی طرفوں جون تئیں چین اتے ݙوجھے عالمی اداریں کوں 7 ارب ڈالر دے قرض دی ادائیگی دے حوالے نال سوال دے جواب اچ چینی وزارت خارجہ دی ترجمان مائونینگ چین تے پاکستان دی تزویراتی شراکت داری اتے دوستی دا اظہار کریندے ہوئیں آکھیا ہئی جو چین ہمیشہ پاکستان نال معاشی اتے مالی تعاون کیتے تاں جو پاکستان دی معیشت مستحکم ، عوام دا معیار زندگی بہتر تھیوے تے ملک ترقی دے رستے ٹرے ۔چینی وزارت خارجہ دی ترجمان دا آکھݨ ہئی جو ھک مخصوص ترقی یافتہ ملک دی سخت گیر مالیاتی اتے معاشی پالیسیاں اتے ایندے اثرات پاکستان سودھے ٻئے ترقی پذیر ملکاں دی مالی مشکلات دا بنیادی سبب ہن۔ جواب اچ ݙسایا ڳیا ہئی جو مغربی تجارتی قرض دہندگان اتے کثیر الجہتی مالیاتی ادارے، ترقی پذیر ملکاں دے ساریں توں وݙے قرض دہندگان ہن ۔ جواب اچ چین سارے فریقاں تے زور ݙتا ہئی جو او پاکستان دے اقتصادی و سماجی استحکام کیتے رل تے تعمیری کم کرن۔
