مسلم لیگ (ن) دی چیف آرگنائزر مریم نواز شریف گوجرانوالہ اچ تنظیمی کنونشن توں خطاب کریسن ، ترجمان مسلم لیگ (ن) مریم اورنگزیب دا بیان

اسلام آباد۔3مارچ (اے پی پی):پاکستان مسلم لیگ (ن) دی سینئر نائب صدر اتے چیف آرگنائزر مریم نواز شریف اڄ ݙو ݙینھ دے دورے تے گوجرانوالہ روانہ تھیسن جتھاں او تنظیمی کنونشن توں خطاب کریسن ۔ تنظیمی کنونشن غلام حسین پارک جی ٹی روڈ گوجرانوالہ اچ منعقد تھیسی ۔ ھک بیان اچ مریم اورنگزیب آکھیے مریم نواز شریف دی زیر صدارت کل (ہفتے کوں) گوجرانوالہ اچ تنظیمی اجلاس تھیسی جیں اچ پارٹی دے مقامی صدور اتے جنرل سیکرٹری شرکت کریسن ۔ اجلاس اچ پارٹی دے تنظیمی ڈھانچے تے کارکردگی دا جائزہ ڳھدا ویسی ۔ انہاں آکھیے مریم نواز شریف سوشل میڈیا، خواتین اتے یوتھ ونگ دے عہدیداران نال وی ملاقات کریسن ۔