اسلام آباد۔10مارچ (اے پی پی):چیف الیکشن کمشنر سکندر سلطان راجہ کوں صوبہ پنجاب اتے خیبرپختونخوا اچ صوبائی اسمبلیاں دے انتخابات دے پرامن انعقاد کیتے امن و امان دی صورتحال اتے ٻئے متعلقہ امورتے تفصیلی بریفنگ ݙتی ڳئی ۔ الیکشن کمیشن آف پاکستان دا اہم اجلا س جمعہ کوں چیف الیکشن کمشنر سکندر سلطان راجہ دی زیر صدارت منعقد تھیا ۔ اجلاس اچ ممبران الیکشن کمیشن دے علاوہ سیکرٹری الیکشن کمیشن،ٻئے …
چیف الیکشن کمشنر سکندر سلطان راجہ دی صدارت اچ الیکشن کمیشن دا اہم اجلاس
اسلام آباد۔10مارچ (اے پی پی):چیف الیکشن کمشنر سکندر سلطان راجہ کوں صوبہ پنجاب اتے خیبرپختونخوا اچ صوبائی اسمبلیاں دے انتخابات دے پرامن انعقاد کیتے امن و امان دی صورتحال اتے ٻئے متعلقہ امورتے تفصیلی بریفنگ ݙتی ڳئی ۔ الیکشن کمیشن آف پاکستان دا اہم اجلا س جمعہ کوں چیف الیکشن کمشنر سکندر سلطان راجہ دی زیر صدارت منعقد تھیا ۔ اجلاس اچ ممبران الیکشن کمیشن دے علاوہ سیکرٹری الیکشن کمیشن،ٻئے سینئر افسران، الیکشن کمیشن اتے قانون نافذ کرݨ آلے اداریں دے نمائندیں شرکت کیتی۔ کمیشن کوں صوبہ پنجاب اتے خیبرپختونخوا اچ امن و امان دی صورتحال تے ٻئے متعلقہ امور تے تفصیلی بریفنگ ݙتی ڳئی ۔ بریفنگ دا مقصد صوبائی اسمبلیاں دے انتخابات دے پرامن انعقاد کوں یقینی بݨاوݨاں اے ۔ اجلاس دے اختتام تے چیف الیکشن کمشنر سارے اداریں دا شکریہ ادا کریندے ہوئیں آکھیے جو ایں بریفنگ دی روشنی اچ الیکشن کمیشن کوں انتخابات دے پرامن انعقاددے سلسلے اچ مختلف فیصلے کرݨ اچ سوکھ تھیسی ۔
