مذہبی رواداری اتے ہم آہنگی دے سنہری اصول اساݙے کیتے سوجھلا ہن، غریب طبقے دی فلاح تے بہبود کیتے بوہرہ کمیونٹی دی خدمات تعریف دے قابل ہن، نگران وزیراعظم انوار الحق کاکڑ

اسلام آباد۔7ستمبر  (اے پی پی) نگران وزیراعظم انوار الحق کاکڑ آکھیا جو مذہبی رواداری اتے ہم آہنگی دے سنہری اصول اساݙے کیتے سوجھلا ہن، غریب طبقے دی فلاح تے بہبود کیتے بوہرہ کمیونٹی دی خدمات تعریف دے قابل ہن۔ وزیراعظم آفس دے میڈیا ونگ توں جاری بیان موجب اے ڳالھیں انہاں   شہزادہ حسین برہان الدین دی سربراہی اچ بوہرہ کمیونٹی دے وفد نال ڳالھ مہاڑ کریندیں ہوئیں آکھی جنہاں خمیس کوں انہاں نال ملاقات کیتی۔ ملاقات اچ حسین برہان الدین وزیراعظم کوں آپݨے والد اتے بوہرہ کمیونٹی دے روحانی پیشوا سیدنا ڈاکٹر مفضل سیف الدین ولوں نیک خواہشات دا سنیھا پڄایا۔ وزیراعظم ملاقات اچ متعلقہ حکام کوں بوہرہ کمیونٹی نال تعاون اتے انہاں کوں ساری سہولتاں ݙیوݨ دی ہدایت کیتی۔