سوشل میڈیا تے چلݨ آلے پںج ہزار روپے دے کرنسی نوٹ تے پابندی بارے نوٹیفیکیشن جعلی اے، مرتضیٰ سولنگی دا ٹویٹ

اسلام آباد۔7ستمبر  (اے پی پی) نگران  وفاقی وزیر اطلاعات تے نشریات مرتضیٰ سولنگی آکھیا جو سوشل میڈیا تے چلݨ آلے پںج ہزار روپے دے کرنسی نوٹ تے پابندی بارے نوٹیفیکیشن جعلی اے۔انہاں آکھیا جو حکومت ایجھے جعلی نوٹیفیکیشن کھںڈاوݨ آلیاں دے خلاف کاروائی کریسی۔ خمیس کوں آپݨے ٹویٹ اچ نگران  وفاقی وزیر اطلاعات  بظاہر فنانس ڈویژن دے انٹرنل فنانس ونگ دے  (جعلی) نوٹیفیکیشن دی نقل دا حوالہ ݙیندیں ہوئین آکھیا جو اے جعلی اے۔ ایں توں علاوہ انہاں وزارت اطلاعات تے نشریات دے ٹویٹر ہینڈلر ”فیکٹ چیکر“ وی ایں نوٹیفکیشن کوں جعلی قرار ݙتا۔