اسلام آباد۔21نومبر (اے پی پی):نگران وزیر خارجہ جلیل عباس جیلانی آکھیے پاکستان ہمیشہ توں مسئلہ فلسطین دے ݙو ریاستی حل دا حامی اے، ایوان صدر توں جاری تھیوݨ آلے صدر مملکت دے بیان تے وزارت خارجہ دی طرفوں وضاحت کیتی ڳئی ہئی۔ سینیٹ اجلاس اچ صدر مملکت دی فلسطین دے صدرنال ٹیلی فون تے ڳالھ مہاڑ دے بعد ایوان صدر توں جاری بیان متعلق سینیٹر میاں رضا ربانی دے …
پاکستان ہمیشہ توں مسئلہ فلسطین دے ݙو ریاستی حل دا حامی اے، ایوان صدر توں جاری تھیوݨ آلے صدر مملکت دے بیان تے وزارت خارجہ دی طرفوں وضاحت کیتی ڳئی ہئی ،نگران وزیر خارجہ دی سینیٹ اجلاس اچ وضاحت
اسلام آباد۔21نومبر (اے پی پی):نگران وزیر خارجہ جلیل عباس جیلانی آکھیے پاکستان ہمیشہ توں مسئلہ فلسطین دے ݙو ریاستی حل دا حامی اے، ایوان صدر توں جاری تھیوݨ آلے صدر مملکت دے بیان تے وزارت خارجہ دی طرفوں وضاحت کیتی ڳئی ہئی۔ سینیٹ اجلاس اچ صدر مملکت دی فلسطین دے صدرنال ٹیلی فون تے ڳالھ مہاڑ دے بعد ایوان صدر توں جاری بیان متعلق سینیٹر میاں رضا ربانی دے اعتراض دے نکتے دا جواب ݙیندے ہوئیں نگران وزیر خارجہ جلیل عباس جیلانی آکھیے ایوان صدر توں صدر مملکت دا جیڑھا بیان جاری کیتا ڳئے ایں وچ وزارت خارجہ توں کوئی صلاح نی ڳھدی ڳئی ، صدر مملکت ھک ریاستی حل دی کیڑھے تناظر اچ ڳالھ کیتی ایندا میکوں پتہ کائنی کیوں جو پاکستان دا ہمیشہ ݙو ریاستی حل دا موقف رہیے جیں دی بنیاد 1967 دی سرحد، اقوام متحدہ دی قرارداد 242 اتے او آئی سی دیاں قرارداداں ہن ۔ جݙاں صدر مملکت دا بیان جاری تھیا تاں اساکوں ھک وضاحت جاری کرݨی پئی او وضاحت اساں او آئی سی سیکرٹریٹ اتے اقوام متحدہ سودھے متعلقہ اداریں کوں وی بھجوائی ، ایں وضاحت کوں نہ صرف ملکی بلکہ غیر ملکی میڈیا اچ وی چاتا ڳئے۔
