الیکشن کمیشن قومی تے چاریں صوبائی اسمبلیاں دکے نتیجے جاری کر ݙتے

اسلام آباد۔11فروری  (اے پی پی) الیکشن کمیشن قومی تے چاریں صوبائی اسمبلیاں دکے نتیجے جاری کر ݙتن۔ آزاد امیدوار 101 نشستاں نال ساریاں توں اتے جڈانجو مسلم لیگ (ن) 75 نشستاں نال قومی اسمبلی اچ اکثریتی جماعت ٻݨ ڳئی اے۔ پنجاب اسمبلی اچ آزاد امیدوار 138 جڈانجو پاکستان  مسلم لیگ (ن) کوں 137  نشستاں ملین ، سندھ اسمبلی اچ پاکستان پیپلز پارٹی پارلیمینٹرینز 84، خیبر پختونخوا اسمبلی اچ آزاد 90 اتے بلوچستان اسمبلی اچ پیپلز پارٹی پارلیمینٹرینز  اتے جمعیت علمائے اسلام پاکستان 11، 11 نشستاں نال اتے ہن۔ الیکشن کمیشن توں جاری غیر حتمی غیر سرکاری نتیجے موجب قومی اسمبلی دی کل 266 جنرل نشستاں اچوں ہک نشست تے انتخاب امیدوار دی وفات پاروں ملتوی کر ݙتا ڳئیا ہئی جڈانجو ہک نشست دے 25 پولنگ اسٹیشن تے ولا پولنگ 15 فروری کوں تھیسی۔ 264 نشستاں اچوں پاکستان پیپلز پارٹی پارلیمینٹرینز 54، متحدہ قومی موومنٹ پاکستان 17 ، جمعیت علمائے اسلام پاکستان 4، پاکستان مسلم لیگ 3، استحکام پاکستان پارٹی اتے بلوچستان نیشنل پارٹی 2،2 جڈانجو مجلس وحدت المسلمین پاکستان ، پاکستان مسلم لیگ ضیا، پختونخوا نیشنل عوامی پارٹی پاکستان ، بلوچستان عوامی پارٹی، نیشنل پارٹی اتے بلوچستان ملی عوامی پارٹی کوں ہک نشست ملی۔ پنجاب اسمبلی دی 297 اچوں ہک نشست پی پی 266 رحیم یار خان امیدوار دی وفات پاروں نی تھی سڳیا۔ اتھوں پاکستان پیپلز پارٹی پارلیمینٹرینز کوں 10، پاکستان مسلم لیگ 8، استحکام پاکستان پارٹی ، پاکستان مسلم لیگ ضیا اتے تحریک لبیک پاکستان کوں 1، 1 نشست ملی۔  سندھ اسمبلی اچ 130 نشستاں اچوں ہک حلقے دے کجھ پولنگ سٹیشناں تے ولا پولنگ پاروں ایندا نتیجہ روک ݙتا ڳئے۔ سندھ توں متحدہ قومی موومنٹ پاکستان 28 ، گرینڈ ڈیموکریٹک الائنس اتے جماعت اسلامی 2، 2 جڈانجو 13 نشستاں آزاد امیدواراں ڳھدن۔ خیبر پختونخوا اسمبلی دی 115 نشستاں اچوں 112 دے نتیجے آڳئن جڈانجو ݙونشتساں تے امیدواراں دی وفات پاروں پولنگ ملتوی اتے ہک حلقے اچ پولنگ دے ݙینھ گڑ بڑ پاروں اوندا نتیجہ روک ݙتا ڳئے اتھوں جمعیت علمائے اسلام پاکستان 7، پاکستان مسلم لیگ (ن) 5، پاکستان پیپلز پارٹی پارلیمینٹرینز 4، جماعت اسلامی پاکستان 3، پاکستان تحریک انصاف پارلیمینٹرینز 2 اتے عوامی نیشنل پارٹی کوں ہک نشست ملی اے۔ بلوچستان  اسمبلی دی کل 51 نشستاں دے غیر حتمی غیر سرکاری نتیجے مل ڳئن جئیں موجب پاکستان پیپلز پارٹی پارلیمینٹرینز اتے جمعیت علمائے اسلام پاکستان 11، 11 نشستاں نال ساریاں توں اتے جڈانجو پاکستان مسلم لیگ (ن)  کوں 10 ، آزاد امیدوار 6، بلوچستان عوامی پارٹی 4، نیشنل پارٹی 3 ، عوامی نیشنل پارٹی 2 ، بلوچستان نیشنل پارٹی ، حق دو تحریک بلوچستان پارٹی  اتے جماعت اسلامی کوں ہک نشست ملی اے۔