اسلام آباد۔19 اکتوبر(اے پی پی) سپیکر قومی اسمبلی سردار ایاز صادق چھاتی دے سرطان توں بچݨ تے وقتی تشخیص کیتے عوامی شعور اجاگر کرݨ تے زور ݙیندے آکھیے جو ایں دی وقتی تشخیص، مؤثر علاج تے تریمتاں دی صحت دے تحفظ کیتے اہم اے، ایں دی درست معلومات تے وقتی تشخیص نال قیمتی جاناں بچا سڳدوں۔انہاں اے ڳالھ چھاتی دے سرطان توں آگاہی دے عالمی ݙینھ تے اپݨے پیغام اچ …
چھاتی دے سرطان دی علامات تے احتیاطی تدابیر سانڳے آگاہی عام کرݨ دی لوڑھ اے، سپیکر قومی اسمبل سردار ایاز صادق
مزید خبراں
اسلام آباد۔19 اکتوبر(اے پی پی) سپیکر قومی اسمبلی سردار ایاز صادق چھاتی دے سرطان توں بچݨ تے وقتی تشخیص کیتے عوامی شعور اجاگر کرݨ تے زور ݙیندے آکھیے جو ایں دی وقتی تشخیص، مؤثر علاج تے تریمتاں دی صحت دے تحفظ کیتے اہم اے، ایں دی درست معلومات تے وقتی تشخیص نال قیمتی جاناں بچا سڳدوں۔انہاں اے ڳالھ چھاتی دے سرطان توں آگاہی دے عالمی ݙینھ تے اپݨے پیغام اچ آکھی انہاں آکھیا جو چھاتی دے سرطان دی علامات تے احتیاطی تدابیرمتعلق آگاہی عام کرݨ دی لوڑھ اے، تریمتاں کوں صحت دے مسئلیں تے بلا جھجک ڳالھ کرݨ تے وقتی طبی مشورہ گھنݨ دی ترغیب ݙتی ونڄے، چھاتی دے سرطان دی علامات کوں نظر انداز کرݨ دی بجائے مستند طبی ماہرین نال رجوع کرݨا چاہیدے، تریمتاں دی صحت دے تحفظ کیتے آگاہی مہمات تے طبی رہنمائی کوں ودھارا ݙیوݨ ضروری اے۔سپیکر قومی اسمبلی چھاتی دے سرطان دی تشخیص تے علاج دی سہولتاں تئیں تریمتاں دی سوکھی رسائی یقینی بݨاوݨ تے زور ݙتا تے آکھیا جو چھاتی دے سرطان متعلق معاشرتی جھجک تے بے بنیاد تصورات دا خاتمہ ضروری اے، چھاتی دے سرطان توں متاثرہ تریمتاں دے نال تعاون تے حوصلہ افزائی دا رویہ اپناوݨا چاہیدے، چھاتی دے سرطان دے خلاف مؤثر جدوجہد اچ طبی اداریں تے ذرائع ابلاغ دا کردار اہم اے۔سپیکر قومی اسمبلی چھاتی دے سرطان دے خلاف آگاہی کھنڈاوݨ آلے طبی ماہرین، اداریں تے سماجی کارکناں دی خدمات دی تعریف کیتی تے آکھیے جو چھاتی دے سرطان متعلق درست معلومات تریمتاں کوں صحت دے حوالے نال بہتر فیصلے کرݨ اچ مدد ݙیندین، تریمتاں دی صحت دا تحفظ اساں ساریں دی اجتماعی ذمہ واری اے۔
