اسلام آباد۔12فروری(اے پی پی):پاکستان صومالیہ اچ فوجی اݙے تے دہشت گرداں دے حملے دی شدید مذمت کیتی اے ۔ ترجمان دفتر خارجہ آپݨے بیان اچ آکھیے جو پاکستان متحدہ عرب امارات دے فوجی ٹرینرز تے موغا دیشو اچ فوجی اݙے تے زیر تربیت صومالیہ دے فوجیاں تے حملے دی شدید مذمت کریندے ۔ ترجمان متحدہ عرب امارات تے بحرین دیاں حکومتاں اتے متاثرین دے اہل خانہ نال تعزیت کریندے ہوئیں آکھیے سارے زخمیاں دی وختی صحت یابی سانڳے دعا کریندوں ۔ انہاں مزید اکھیے جو پاکستان ہر قسم دی دہشت گردی کوں مسترد کریندے اتے دہشت گردی دے خلاف جنگ اچ حکومت صومالیہ نال مکمل یکجہتی نال کھڑے۔
