پاکستانی حجاج سعودی عرب اچ آپݨے طرز عمل نال ہک مہذب قوم ہووݨ دا ثبوت ݙیون، امور انیق احمد

حیدر آباد ۔12فروری  (اے پی پی) نگران وزیر مذہبی امور انیق احمد آکھیا جو پاکستانی حجاج سعودی عرب اچ آپݨے ملک دے وقار ودھاون اتے آپݨے طرز عمل نال ہک مہذب قوم ہووݨ دا ثبوت ݙیون۔ میدان عرفات اچ ملک دے استحکام تے سلامتی کیتے خصوصی دعائیں کرن۔ اے ڳالھ انہاں سنوار کوں پہلی حج تربیتی ورکشاپ نال خطاب کریندیں ہوئیں آکھی۔ انہاں عازمین حج توں آکھیا جو حج خود توں خدا تئیں پجݨ دے پندھ دا ناں اے۔ حاجیاں کیتے پیکیج اچ گزریل سال دے مقابلے ہک لکھ روپے ڳھٹ رکھیے ڳئن۔ حاجیاں کوں حکومت ولوں فری موبائل فون سم، ہک بریف کیس اتے تریمتیں کوں عبایا ݙتے ویسن۔ گزریل سال دے مقابلے پنج ہزار چھی سو توں ودھ درخواستاں آئن جئیں کیتے قرعہ اندازی کیتی ڳئی اے۔