اسلام آباد۔12فروری (اے پی پی) نگران وفاقی وزیر داخلہ تے تجارت ڈاکٹر گوہر اعجاز آکھیا جو 40 سال پہلے سعودی عرب دی حکومت پاکستانیاں کیتے شام فیصل مسیت دا تحفہ ݙتا، شاہ فیصل مسیت کوں ٻیا سوھݨا ٻݨاوݨ کیتے تذہین و آرائش تھیندی پئی اے۔ او سنوار کوں پاکستان اچ سعودی عرب دے سفیر نواف سعید المالکی رلے شاہ فیصل مسیت دے دورہ دے موقع تے ڳالھ مہاڑ کریندے پئے …
شاہ فیصل مسیت کوں ٻیا سوھݨا ٻݨاوݨ کیتے تذہین و آرائش تھیندی پئی اے، نگران وزیر داخلہ دی سعودی سفیر نال ڳالھ مہاڑ
اسلام آباد۔12فروری (اے پی پی) نگران وفاقی وزیر داخلہ تے تجارت ڈاکٹر گوہر اعجاز آکھیا جو 40 سال پہلے سعودی عرب دی حکومت پاکستانیاں کیتے شام فیصل مسیت دا تحفہ ݙتا، شاہ فیصل مسیت کوں ٻیا سوھݨا ٻݨاوݨ کیتے تذہین و آرائش تھیندی پئی اے۔ او سنوار کوں پاکستان اچ سعودی عرب دے سفیر نواف سعید المالکی رلے شاہ فیصل مسیت دے دورہ دے موقع تے ڳالھ مہاڑ کریندے پئے ہن۔ وفاقی سیکرٹری داخلہ آفتاب اکبر درانی ، ضلعی انتظامیہ اتے سی ڈی اے حکام وی موجود ہن۔ وزیرداخلہ سعودی سفیر دے رلے ظہر دی نماز پڑھی جئیں دے بعد انہاں شاہ فیصل مسیت دے مرکزی ہال اتے صحن اچ سہولتاں دا جائزہ ڳھدا۔ صحافیاں نال ڳالھ مہاڑ کریندیں ہوئیں نگران وفاقی وزیر داخلہ ڈاکٹر گوہر اعجاز آکھیا جو جݙاں میں وزارت داخلہ دا منصب سنبھالیا تاں پہلا جمعہ شاہ فیصل مسیت اچ پڑھیا۔ میست دی تذہین و آرائش دی لوڑھ محسوس کریندیں ہوئیں سعودی سفیر نال ملاقات تھئی تاں انہاں توں آکھیا جو مسیت دی تذہین و آرائش کیتی ونڄے تانجو مسیت کوں ٻیا سوھݨا ٻݨایا ونڄ سڳے۔ سعودی سفیر دا شکریہ ادا کریندوں جنہاں ذاتی دلچسپی ڳھن تے شاہ فیصل مسجد دی تذہین و آرائش شروع کرائی۔
