ملتان۔ 12 فروری (اے پی پی):استحکام پاکستان پارٹی دے سربراہ اتے معروف سیاسی رہنماءجہانگیر خان ترین پارٹی عہدے توں استعفیٰ ݙیندے ہوئے سیاست چھوڑݨ دا وی اعلان کر ݙتے۔ ہک پریس ریلیز اچ انہاں آکھیا جو الیکشن اچ حمایت تے مشکور ہاں، اپݨے مخالفین کوں وی الیکشن جیتݨ تے مبارک ݙینداں اتے عوام دی رائے دا احترام کرینداں، میں سیاست چھوڑ تے پارٹی چیئرمین دے عہدے توں مستعفی تھیوݨ دا فیصلہ کیتے۔ انہاں آکھا جو ذاتی حیثیت اچ پاکستان دی خدمت جاری رکھیساں۔
