عام انتخابات آزادانہ و منصفانہ تھئین، انتخابی نتائج اچ دیر دا مطلب دھاندلی نئیں، نگران وزیراعظم انوار الحق کاکڑ دی پریس کانفرنس

APP41-120224 ISLAMABAD: February 12 – Caretaker Prime Minister Anwaar-ul-Haq Kakar talks to National and foreign media in a press conference. APP/TZD/FHA

اسلام آباد۔12فروری(اے پی پی):نگران وزیراعظم انوار الحق کاکڑ آکھیے جو عام انتخابات آزادانہ و منصفانہ تھئین، انتخابی نتائج اچ دیر دا مطلب دھاندلی نئیں پاکستان کوں دہشت گردی دے چیلنجز ہین، موبائل فون سروس عوام دے تحفظ کیتے بند کیتی ہئی، چیلنجز دے باوجود جمہوری تسلسل اتے پر امن انتخابات تھیوݨ چنڳی ڳالھ اے، ساریاں سیاسی جماعتاں کوں الیکشن کیتے لیول پلیئنگ فیلڈ ݙتا ڳئے، پرامن احتجاج سیاسی کارکناں دا حق اے ٻھل کہیں کوں فساد نا کھنݙاوݨ ݙیسوں، الیکٹرانک ووٹنگ مشین نال انتخابات دا فیصلہ اگلا پارلیمان کریسی۔ او اسلام آباد اچ پریس کانفرنس کریندے پئے ہن، انہاں آکھیا جو انتخابات اچ بین الاقوامی مبصرین موجود ہن، نتائج اچ کڄھ چرک تھئے ٻھل 92 ہزار پولنگ سٹیشنز محفوظ ٻݨاوݨ کیتے جامع انتظامات تھئن، سوشل اتے ڈیجیٹل میڈیا تے انتخابی نتائج بارے ودھا چڑھا تے تجزیے ݙتے ڳن، الیکشن کمیشن قاپݨی ذمہ داری پوری نبھائی اے، حفاظتی انتظامات نا کریندے تاں دہشتگردی دا خطرہ ہا، غیر ریاستی عناصر اتے دہشت گرد انتخابی عمل کوں خراب کر سڳدے ہن، اساں الزامات دی پروا نا کریندے اپݨے عوام دے تحفظ تے کوئی سمجھوتہ نئیں کیتا، موبائل سروس پہلے وی بند تھیندے رہین 8 فروری کوں کوئی نویں ڳالھ نئیں تھئی۔ انہاں آکھیا جو برطانیہ، امریکہ اتے یورپی یونین ساݙے سنڳتی ہین ٻھل انہاں دا ابتدائی تجزیہ سوشل و ڈیجیٹل میڈیا دی معلومات تے ہوندے، اساں جیکر تحقیقات کراوݨیاں وی ہوسن تاں اپݨی وجہ نال کریسوں کہیں دے آکھݨ تے کیوں کروں جو اساں ہک خودمختار ملک ہیں، ساݙے کولو ایں بارے آئین و قانون موجود اے۔ وزیراعظم آکھیا جو انتخابی عمل ودھ شفاف ٻݨاوݨ کیتے مکالمے دی لوڑھ اے جو ایندے اچ مداخلت یا بدانتظامی دے الزامات نا لڳن، جیکر کہیں دے انتخابات بارے تحفظات ہین تاں مطلوبہ فورم الیکشن کمیشن موجود اے،ساکوں الیکشن کمیشن کوں مالی و انتظامی طور تے ٻیا تکڑا ٻݨاوݨا ہوسی، آندی حکومت کیتے سنجیدہ اقتصادی چیلنجز ہین جیندے نال نٻݨݨ کیتے اقتصادی استحکام اتے قانون سازی سانڳے سیاسی اختلافات تے قابو پاوݨا ہوسی۔