اسلام آباد۔12جون (اے پی پی) حکومتی خرچے ڳھٹ کرݨ بارے بݨی کمیٹی ابتدائی رپورٹ وزیراعظم محمد شہبازشریف کوں پیش کر ݙتی اے جئیں اچ سفارش کیتی ڳئی اے جو ہک سال توں خالی اسامیاں ختم کر تے قومی پیسہ بچایا ونڄے، نویں بھرتی تھیوݨ آلے سرکاری ملازماں دی کنٹریبیوٹری پینشن دا نظام آندا ونڄے، انہاں ابتدائی تجویزاں بارے وزیراعظم اعلیٰ اختیاراتی کمیٹٰ ٻݨا ݙتی جیڑھی جو 10 ہفتے اندر جامع …
حکومتی خرچے ڳھٹ کرݨ بارے ابتدائی رپورٹ وزیراعظم کوں پیش، ہک سال توں خالی آسامیاں ختم، کنٹریبیوٹری پینشن دا نظام ڳھن آوݨ دی تجویز
اسلام آباد۔12جون (اے پی پی) حکومتی خرچے ڳھٹ کرݨ بارے بݨی کمیٹی ابتدائی رپورٹ وزیراعظم محمد شہبازشریف کوں پیش کر ݙتی اے جئیں اچ سفارش کیتی ڳئی اے جو ہک سال توں خالی اسامیاں ختم کر تے قومی پیسہ بچایا ونڄے، نویں بھرتی تھیوݨ آلے سرکاری ملازماں دی کنٹریبیوٹری پینشن دا نظام آندا ونڄے، انہاں ابتدائی تجویزاں بارے وزیراعظم اعلیٰ اختیاراتی کمیٹٰ ٻݨا ݙتی جیڑھی جو 10 ہفتے اندر جامع رپورٹ پیش کریسی۔ بدھ کوں وزیر اعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت حکومتی خرچے اتے حکومتی ڈھانچے دا حجم ڳھٹ کرݨ بارے اہم اجلاس تھیا۔ حکومتی خرچے ڳھٹ کرݨ بارے ٻݨائی ڳئی کمیٹی وزیراعظم کوں ابتدائی رپورٹ پیش کیتی۔ ڈپٹی چیئرمین پلاننگ کمیشن دی سربراہی اچ ٻݨی کمیٹی اچ کابینہ، خزانہ، اسٹیبلشمنٹ، پاور ڈویژن دے سیکریٹریز دے علاوہ ڈاکٹر قیصر بنگالی، ڈاکٹر فرخ سلیم اتے محمد نوید افتخار شامل ہن۔ اجلاس اچ وفاقی وزیر منصوبہ بندی احسن اقبال، وفاقی وزیر اقتصادی امور احد خان چیمہ، وفاقی وزیر خزانہ و محصولات محمد اورنگزیب ، وزیر مملکت برائے خزانہ علی پرویز ملک، وزیراعظم دے کوآرڈینیٹر رانا احسان افضل اتے متعلقہ اعلیٰ سرکاری افسرشریک تھیے۔
