قومی ورثہ و ثقافت ڈویژن دےجاری 6 منصوبیں سانڳے155 ملین تے2 نویں منصوبیں سانڳے 610 ملین روپے رکھئے ڳئن

اسلام آباد۔12جون (اے پی پی):وفاقی حکومت سرکاری شعبہ دے ترقیاتی پروگرام (پی ایس ڈی پی )دے تحت آندے مالی سال 25۔2024 ء قومی ورثہ و ثقافت ڈویژن دے جاری 6 منصوبیں سانڳے 155 ملین روپے جݙاں جو 2 نویں منصوبیں کیتے 610 ملین روپے رکھئن ۔ جاری پی ایس ڈی پی موجب قومی ورثہ و ثقافت ڈویژن دے جاری منصوبیں دے تحت اسلام آباد اچ نیشنل لائبریری آف پاکستان دی عمارت دی اپ گریڈیشن کیتے 13 ملین روپے، قلعہ روات دی تزئین و آرائش سانڳے 20 ملین روپے، علامہ اقبال دی رہائش گاہ دی اپ گریڈیشن دے منصوبہ کیتے 18.500 ملین روپے، پاکستان دے مثبت تشخص کوں اجاگر کرݨ سانڳٖ ریسرچ اینڈ ڈویلپمنٹ سنٹر دے قیام سانڳے 50 ملین روپے، شاہ اللہ دتہ دی غاراں دی بحالی و حفاظت کیتے 20 ملین روپے، آثار قدیمہ دے تحت مائی قمرو مسجد تے مقرب خان دے مقبرہ دی حفاظت کیتے 30 ملین روپے جݙاں جو اسلام آباد اچ پھروالہ فورٹ دی حفاظت کیتے 3.500 ملین روپے رکھئن ۔