پی ایس ڈی پی اچ بورڈ آف انویسٹمنٹ دے ترائے جاری منصوبیں سانڳے مجموعی طور تے 1158 ملین روپے رکھئے ڳئن

اسلام آباد۔12جون (اے پی پی):آندے مالی سال 2024-25ء کیتے سرکاری شعبہ دے سالانہ ترقیاتی پروگرام (پی ایس ڈی پی) اچ بورڈ آف انویسٹمنٹ دے ترائے جاری منصوبیں سانڳے مجموعی طور تے 1158 ملین روپے مختص کیتے ڳئن۔ پی ایس ڈی پی 2024-25ء موجب جاری منصوبیں سانڳے 893.884 ملین روپے جݙاں جو ھک نویں ترقیاتی منصوبے کیتے 264.116 ملین روپے دے فنڈز رکھئے ڳئن ۔ جاری منصوبیں دے تحت پراجیکٹ مینجمنٹ یونٹ آن سی پیک سانڳے 300 ملین روپے مختص کیتے ڳئن جݙاں جو سیکٹرل میپمنگ اینڈ ریگولیٹری ریفارمز سانڳے110.884 ملین روپے مختص کیتے ڳئن جݙاں جو اسلام آباد ماڈل سپیشل اکنامک زون کیتے 483 ملین روپے مختص کیتے ڳئن ۔ ایویں ھک نویں منصوبے ون سٹاپ سروس خصوصی اکنامک زون دے قیام سانڳے 264.116 ملین روپے مختص کیتے ڳئن۔