مالی سال 25-2024: سرکاری شعبہ دے (پی ایس ڈی پی) دے تحت وفاقی وزارتاں کیتے 1041776.058 ملین روپے مختص کرݨ دی تجویز

اسلام آباد۔ 12 جون(اے پی پی)مالی سال 25-2024 کیتے سرکاری شعبہ دے سالانہ ترقیاتی پروگرام (پی ایس ڈی پی) دے تحت وفاقی وزارتاں کیتے 1041776.058 ملین روپے رکھیے ڳن جیندے اچ 179451.849 ملین روپے دی غیرملکی معاونت شامل اے، وفاقی کارپوریشناں کیتے آندے مالی سال دے سرکاری شعبے دے سالانہ ترقیاتی پروگرام (پی ایس ڈی پی ) اچ 356223.943 ملین روپے مختص کرݨ دی تجویز اے جیندے اچ 136548.151 ملین روپے دی غیر ملکی معاونت شامل اے، پچھلے مالی سال اچ وفاقی وزارتاں اتے ڈویژناں کیتے پی ایس ڈی پی اچ 653222.261 ملین روپے ڄݙاں جو کارپوریشناں کیتے 211777.739 ملین روپے مختص کیتے ڳئے ہن۔ آندے مالی سال دے بجٹ دستاویزات دے مطابق آندے مالی سال کیتے ہوا بازی ڈویژن دے ترقیاتی منصوبیاں کیتے 7302.997 ملین روپے رکھݨ دی تجویز اے جیندے اچ 3000 ملین روپے دی غیرملکی معاونت شامل اے۔ سرمایہ کاری بورڈ دے ترقیاتی منصوبیاں کیتے 1658 ملین روپے مختص کرݨ دی تجویز اے ڄݙاں جو کابینہ ڈویژن دے منصوبیاں کیتے 75773 ملین روپے مختص کیتے ڳن۔ پی ایس ڈی پی اچ ماحولیاتی تبدیلی ڈویژن دے ترقیاتی منصوبیاں کیتے 6256.960 ملین روپے مختص کرݨ دی تجویز اے جئیں اچ 101.960 ملین روپے دی غیر ملکی تعاون شامل اے۔ بجٹ دستاویزات دے مطابق آندے مالی سال دی پی ایس ڈی پی اچ کامرس ڈویژن دے منصوبیاں کیتے مجموعی طور 2205.282 ملین روپے رکھݨ دی تجویز ݙتی ڳئی اے۔ نیشنل ہائی ویزاتھارٹی دے علاوہ مواصلات دے منصوبیاں کیتے پی ایس ڈی پی اچ 728 ملین روپے اتے ڈیفنس ڈویژن کیتے 5636 ملین روپے رکھݨ دی تجویز ݙتی ڳئی اے جئیں اچ 300 ملین روپے دے غیر ملکی امداد شامل اے۔ پی ایس ڈی پی اچ دفاعی پیداوارڈویژن دے ترقیاتی منصوبیاں کیتے 3778 ملین روپے ، اتےاسٹبلشمنٹ ڈویژن دے منصوبیاں کیتے 921 ملین روپے رکھݨ دی تجویز ݙتی ڳئی اے۔ بجٹ دستاویزات موجب سرکاری شعبہ دے سالانہ ترقیاتی پروگرام اچ وفاقی تعلیم وپیشہ وارانہ امورڈویژن دے ترقیاتی منصوبیاں کیتے25751 ملین روپے رکھݨ دی تجویز ݙتی ڳئی اے۔ وزارت خزانہ دے ترقیاتی منصبیاں کیتے6054 ملین روپے رکھݨ دی تجویز ݙتی ڳئی اے۔ بجٹ دستاویز موجب صوبیاں اتے خصوصی علاقیاں دی ترقیاتی منصوبیاں کیتے پی ایس ڈی پی اچ مجموعی طور226916.099 ملین روپے رکھݨ دی تجویز اے جئیں اچ 4460 ملین روپے دی غیر ملکی تعاون شامل اے۔ صوبیاں اتے خصوصی علاقیاں دے ترقیاتی کماں اچ صوبائی منصوبیاں کیتے 82416.099 ملین روپے ، خیبرپختونخوا دے ضم شدہ اضلاع کیتے 70000ملین روپے اتے آزاد جموں کشمیر و گلگت بلتستان دے خصوصی علاقیاں کیتے 74500 ملین روپے رکھݨ دی تجویز ݙتی ڳئی اے۔ ہائر ایجوکیشن کمیشن دے ترقیاتی منصوبیاں کیتے مجموعی طور 66315 ملین روپے رکھݨ دی تجویز ݙتی ڳئی اے جئیں اچ 9228.208 ملین روپے دی غیر ملکی معاونت شامل اے۔ پی ایس ڈی پی اچ ہائوسنگ اینڈ ورکس دے ترقیاتی منصوبیاں کیتے مجموعی طور 27688.072 ملین روپے ، انسانی حقوق ڈویژن کیتے 104 ملین روپے، صنعت تے پیداوار ڈویژن دے ترقیاتی منصوبیاں کیتے 4918.758 ملین روپے اتے وزارت اطلاعات و نشریات ڈویژن دے ترقیاتی منصوبیاں کیتے 6550 ملین روپے رکھݨ دی تجویز اے۔