پی ایس ڈی پی اچ محصولات ڈویژن دے جاری، نویں منصوبیاں کیتے 17696 ملین روپے رکھݨ دی تجویز

اسلام آباد۔ 12 جون(اے پی پی)مالی سال 2024-25 دے سرکاری شعبہ دے سالانہ ترقیاتی پروگرام (پی ایس ڈی پی) اچ محصولات ڈویژن دے جاری، نویں منصوبیاں کیتے 17696 ملین روپے رکھݨ دی تجویز اے جیندے اچ 13363.830 ملین روپے دی غیرملکی معاونت شامل اے۔ محصولات ڈویژن دے جاری منصوبیاں کیتے 16770.215ملین روپے اتے نویں منصوبیاں کیتے 925.785 ملین روپے دی تجویز اے۔ پہلے توں جاری منصوبیاں اچ آر ٹی او ساہیوال اچ نواں دفتر ٻݨاوݨ کیتے 222.483ملین روپے، کسٹم کمپلیکس سوست اچ مختلف سہولتاں کیتے 182.696ملین روپے، گوادر اچ ماڈل کسٹم کلکٹوریٹ ٻݨاوݨ کیتے 680.833 ملین روپے، کراچی اچ انٹیلی جنس اینڈ انویسٹیگیشن آفس دی تعمیر کیتے 72.883 ملین روپے، ریجنل ٹیکس آفس سرگودھا دی تعمیر کیتے 490.981ملین روپے، ایشیائی ترقیاتی بینک دے تعاون نال آئی ٹی ٹی ایم ایس منصوبہ کیتے 7500.000 ملین روپے، پاکستان ریزز ریونیوپروگرام کیتے 7363.830ملین روپے اتے طورخم کسٹم سٹیشن اچ ٹرانزٹ اکاموڈیشن کمپلیکس منصوبہ کیتے 256.509 ملین روپے مختص کرݨ دی تجویز اے۔ نویں منسؤبیاں اچ بلیلی کوئٹہ اچ ماڈل کسٹم ہاوس کلکٹوریٹ منصوبہ کیتے 239.646ملین روپے اتے ریجنل ٹیکس آفس سیالکوٹ کیتے زمین ملھ ڳھنݨ کیتے 686.139ملین روپے مختص کرݨ دی تجویز اے۔