پی ایس ڈی پی دے تحت آندے مالی سال 25۔2024 ء اچ ایچ ای سی دی 141 جاری اتے 20نویں سکیماں کیتے 60,000 ملین روپے رکھیے ڳئن

اسلام آباد۔12جون (اے پی پی) وفاقی حکومت سرکاری شعبہ دے ترقیاتی پروگرام (پی ایس ڈی پی )دے تحت آندے مالی سال 25۔2024 ء اچ ہائر ایجوکیشن کمیشن (ایچ ای سی) دی 141 جاری اتے 20نویں سکیماں کیتے 60,000 ملین روپے رکھیے ڳئن۔ بدھ کوں جاری پی ایس ڈی پی موجب بجٹ دستاویز موجب جاری سکیماں کیتے تقریباً 41,871.792 ملین روپے اتے نویں سکیماں کیتے 18,128.208 ملین روپے رکھیے ڳئن۔ جاری سکیماں اچ افغان طلباء کوں علامہ محمد اقبال دے 3000 وظائف کیتے 900 ملین روپے، شہید ذوالفقار علی بھٹو میڈیکل یونیورسٹی اسلام آباد دے اکیڈمک بلاک ٻݨاوݨ کیتے450 ملین روپے ، باچا خان یونیورسٹی، چارسدہ دی ترقی اتے نیشنل یونیورسٹی آف میڈیکل سائنسز (نمز) دی ترقی کیتے 400 ملین روپے ، گورنمنٹ کالج یونیورسٹی فیصل آباد دے کیمپس ٻݨاوݨ کیتے 400 ملین روپے، کامیاب جوان سپورٹس اکیڈمیز (ہائی پرفارمنس اینڈ ریسورس سینٹرز) اتے یوتھ اولمپکس ۔ ایچ ای سی کیتے 500 ملین روپے ،بلتستان سکردو یونیورسٹی ٻݨاوݨ کیتے500 ملین روپے ، فلبرائٹ سکالرشپ سپورٹ پروگرام ایچ ای سی۔یو ایس ایڈ (فیز تھری)کیتے 759 ملین روپے ، ایم ایس اتے پی ایچ ڈی دی اوورسیز سکالرشپس کیتے3890 ملین روپے ، پاک-امریکہ نالج کوریڈور (فیز-I) دے تحت پی ایچ ڈی سکالرشپ پروگرام کیتے 3000 ملین روپے ، انسٹی ٹیوٹ آف سپورٹس ٻݨاوݨ کیتے 100 ملین روپے رکھیے ڳئن۔ ایچ ای سی دی نویں سکیماں کیتے وزیراعظم لیپ ٹاپ سکیم کیتے 6000 ملین جڈانجو نظر ثانی شدہ پروگرام کیتے 10000 ملین روپے ، وزیراعظم دے یوتھ انٹرن شپ پروگرام کیتے 30 ملین روپے، مینوفیکچرنگ ٹیکنالوجی، آٹومیشن اتے انوویشن سینٹر ٻݨاوݨ کیتے 100 ملین روپے رکھیے ڳئن۔